Daxwiyaniyeke Rojnamevanî
Desthilatên Dagîrker ên Îranî pencereke nû ji pencereyên gendelî û wêrankirinê zêde kir, di riya vekirina qonsulxaneya Îranî li bajarê Helebê re, ji bo sepandina kontirolkirina xwe li ser xaka Sûriyê û piştgiriya rijêma tawanbar.
Mîna hemû pencereyên ku navên fermî hildigrin, wek qonsulxane an şêwerdargeh an balyozxane, ev pêngav jî dê tenê wek avakirina taqeke nû ji teror û wêrankirinê û belavkirina îdyolojiya mezhebî ya wêrankar û windakirina xelkê re be.
Ji destpêka birêketina şoreşa sûrî de, rijêma Îranî xwset ku bi mebest astengiyê têxe riya her çareyekê û tevlî cenga yekser dijî gelê sûrî bibe, û tevaya giraniya xwe danî kêleka rijêma stemkar û di serkutkirin û kuştin û koçberkirina sûriyan de beşdar bû, îro jî Îran roleke sereke di astengkirina rêya siyaasî ya danûstandinê de dilîze, û rijde ku rijêmê bihêle, û sûriyê bike dikeke Îranî daku di riya wê re bêserûberiyê û terorê belav bike.
Ji civaka navdewletî tê xwestin ku berpisyariya xwe derbarê tiştê li sûriyê dibe hilgire, û destpêşxeriyan pêşkêş bike, ji bo cîbicîkirina biryarên Encûmena Ewlekariyê û rewaya navdewletî fişarên pêwîst bisepîne, û bi awayekî cidî li ser cîbicîkirina çareya siyasî ya rasteqîn kar bike, daku pêkanîna armancên gelê sûrî misoger bibe, û derî li pêşiya derketina tevaya hêzên dagîrker û milîsên terrorîst ji sûriyê veke, û girtiyan rizgar bike, û rê li pêşiya vegera penaberan xweş bike, daku dest bi nûavakirrina Sûriyê bibe.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
24 gulan 2021