Daxwiyaniyeke Rojnamevanî
Hevbendiya Niştimanî ya Sûrî, jinê di roja wê ya cîhanî de, nemaze jina Sûrî yaku berê û hîn jî bihatirîn qurbanî di rûbirûbûna zordariyê de bi hemû şêweyên wê pêşkêş kirine, silav dike.
Hevbendiya Niştimanî bizavên ku jina Sûrî li ser cûrbrcûr astan bi dilsoziya xwe û karê xwe yê rêkûpêk re û berpisyariyên mezin ên malbat û şoreşê hilgirtine û xweragiriya wê bi dirêjiya temenê şoreşê di bîra cîhanê de tîne.
Di dema ku jinên cîhanê îro şahiyan li dar dixin, û şahî ji bo wan çêdibin, li Sûriyê bi dehên hezaran jin hîn di girtîgeh û zîndanên rijêma Esed de tundtirîn êş û azaran dibînin, û li hêviya azadî û rizgarkirinê ne, ku wan ji girtîgehan xilas bikin, ew jî hewcedarî helwesteke navdewletî ya cidî ye, ji bo azadkirin û rizgarkirina tevaya jin û mêrên girtî.
Jina Sûrî dê bimêne stûna rasteqîn, yaku nahêle ku bi hezarên malbetan bikevin, û dê bimîne penageha hemin û hêviya nûavakirina civaka Sûrî, û dê tevna civakê ya hevgirtî birêse.
Divê jina Sûrî mafê xwe yê jiyaneke rûmetdar û ewle bistîne, daku karibe bighêje cih û rola xwe ya hêja, û rêz li qurbaniyên ku dane bête girtin, û cihê wê yê xwezayî di rayedarî û avakirina Sûriya nû de hebe.
Hevbendiya Niştimanî nimûneyên berçav ji xebat û qehremaniyên ku jina Sûrî di têkoşîna xwe ya şoreşê de pêkêş kiriye bilind nirxandin, nemaze jinên şoreşger û yên girtî û yên pakrewan û dayîkên şehîd û girtiyan yên ku rûbirûyî cûrbecûr rengên serkutkirin û tawanê bi vîneke mezin bûne, û tevî wê jî hîn di şoreşa xwe de li hember rijêma tawanbar berdewam e.
Hevbendiya Niştimanî ya Sûrî, tekeziyê li ser giringiya berdewamiya rola sereke ya jina Sûrî û beşdariya wê di karê siyasî û şoreşgerî de li ser cûrbecûr astan dike, her weha tevlêbûna wê di nav cihên standina biryarê û postên cîbicîkirin û rêvebirinê li gel hewcedariya bizavên berdewam de, daku çi astengiyên ku dibin kelem di riya beşdariya wê ya tam di avakirina Sûriyê û pêşeroja welêt de li gorî cihê jinê yê hêja werin hilanîn.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
08 adar 2022