Daxuyaniyeke Rojnamevanî
Dîsa deşta bakurê Hemayê û hin navçeyên Idlibê rastî bombebaranê hatin, û çend komkujî li wan deveran hatin pêkanîn û di çend demjimêrên borî de herî kêmî 50 kes hatine kuştin, zêdebarî bi dehan bêserûşûn û kesên birîndar hene, û kelexên wan di bin avahiyên heriftî de mane, ji ber êrîşên balafirên Rûsya û helîkopterên rejîmê.
Agahiyên destpêkî amaje bi şehîdbûna 20 kesan dikin, di nav wan de jin û zarok, bi sedema bombebarana balafirên dagîrkeriya Rûsya li serê siba îro duşemê (22′ tîrmehê), li bazareke bajarê Miret al-Ni’hman, piştî bombebarana duh ya li ser bajarokên deşta Idlibê û şehîdbûna 17 kesan, di nav de 12 kesên sivîl ji wan 5 zarok bi êrîşa balafirên rejîmê li ser bajarê Orm al-Coz li deşta Idlibê hatin kuştin.
Tawanên rejîmê û Rûsyayê, ne tenê yên şer in, belê bêtir ji vê yekê ne, ku ne tenê wek şaşîtiyên operasyonên leşkerî ne, berovajî vê, welatiyên sivîl bi awayekî rasterast têne armanckirin, û kuştina welatiyên sivîl armanca sereke ya oparesyonên leşkerî yên Rûsya û rejîmê ne, ku bi vî awayî xwezaya van tawanan digehêja asta tawanên navnetewî ku pêdiviya wan bi dadgeha tawanên navnetewî heye.
Di çend demjimêrên borî de, bajar û bajarokên parêzgehên Hema û Idlibê bi hovane hatin topbarankirin, û hejmara qurbaniyan berdewam zêdetir dibe, di nav de karmendên parastina sivîl û hewarçûnê, û ev şehîd bi nav in, û xudan dayîk û bav û kesukar in, û wan hêvî bi dawiya vî şerê hebû, û armancên wan avakirina welat û pêkanîna xewnên xwe bûn, weke xewnên bi hezaran şehîdên şoreşa Sûriyê.
Eşkere bûye ku ev rejîm û hevalbendên xwe wê bimînin berdewam li ser bijardeyên xwe yên roja yekem, ji ber xwezaya wan ya stemkarî û dîktatorî û zordestî, ku ew ti alternatîfan nabînin ji bilî berdewamiya li ser kuştinê, û lewra li vê derê , pêwîst e civaka navnetewî bi erkên xwe rabe, li hemberî vê krîzê û zincîra berdewam ya kuştinê dibe, bi aramanca jinavbirina hewldanên destpêkirina proseya siyasî careke din.
Hevbendiya Niştimanî dubare piştrast dike ku pêwîstî heye ku Netewên Yekbûyî û civata navnetewî, bi taybetî koma dewletên kartêker, van êrîş û tawanan bidawî bikin, û bi rawestandina kuştin û sucdarî û koçberkirina bi darê zorê rabin, û dubarekirina pêvajoya siyasî ya doseya Sûriyê li gor biryarên navnetewî.
Hevbendiya Niştimanî Ya Hêzên Şoreşê Û Rikberiya Sûriyê
Ofisa Ragihandinê
22.07. 2019
