Hevbendiya Niştimanî ya hêzên şoreş û rikberiya Sûriyê tekez kir ku tawanên rejîmê û Rûsyayê, ne tewanên şer ên normal in, belê bêtir ji vê yekê ne û digehêje asta tawanên navnetewî ku pêdiviya wan bi dadgeha tawanên navnetewî heye.
Hevbendiya Niştimanî, îro duşemê di daxuyaniyekê de bal kişand ku ev tawanên şer yên berdewam “ne tenê wek şaşîtiyên operasyonên leşkerî ne”, û da zanîn ku armanckirin û kuştina welatiyên sivîl armanca sereke ya oparesyonên leşkerî yên Rûsya û rejîmê ne, û got ku bi vî awayî xwezaya van tawanan digehêja asta tawanên navnetewî ku pêdiviya wan bi dadgeha tawanên navnetewî heye”.
Herwiha ku hêzên rejîmê û Rûsyayê di çend demjimêrên borî de êrîşên xwe xurtirkirine û herî kêmî 50 kes hatine kuştin, zêdebarî bi dehan kesên birîndar, di nav de jin û zarok, û çalakvanan diyar kir ku bajarê Miret al-Ni’hman li deşta Idlibê bi giranî hat topbarankirin û têde 20 kes şehîd bûn, piraniya wan jin û zarok bûn.
Hevbendiya Niştimanî di daxuyaniya xwe de bombebaran bi “hovane” binav kir, û diyar kir ku heta karmendên parastina sivîl û hewarçûnê hatine armanckirin, û got ku “eşkere bûye ku ev rejîm û hevalbendên xwe wê bimînin berdewam li ser bijardeyên xwe yên roja yekem, ji ber xwezaya wan ya stemkarî û dîktatorî û zordestî, ku ew ti alternatîfan nabînin ji bilî berdewamiya li ser kuştinê”.
Herwiha Hevbendiya Niştimanî tekez kir ku ev tawan civaka navdewletî têxe di bin barê berpirsyariyên xwe de “li hemberî vê krîzê û zincîra berdewam ya kuştinê ya dibe bi aramanca jinavbirina hewldanên destpêkirina proseya siyasî careke din”.
Hevbendiya Niştimanî dubare piştrast kir ku pêwîstî heye ku Netewên Yekbûyî û civata navnetewî, bi taybetî koma dewletên kartêker, van êrîş û tawanan bidawî bikin, û bi rawestandina kuştin û sucdarî û koçberkirina bi darê zorê rabin, û dubarekirina pêvajoya siyasî ya doseya Sûriyê li gor biryarên navnetewî.
Jêder : Ofîsa Ragihandina Hevbendiya Niştimanî ya Sûrî
