Rêjîmê û hevalbendên wê êrîşeke leşkerî dane ser herêmên kêmkirina şerî li bakurê Sûriyê, ko taxên sivîlan û bargehên giştî û dezgehên tendiristî û bijîşkî û xizmetkariyê amanc kirine.
Rêkxistina Netewên Yekgirtî ya parastina Zarokîniyê (Unisef) di daxuyaniyeke rojnamevanî duhî tekez kir ko heşt bargehên avê li Meeret Elnuman ketine ber êrîşan, di encamê de av ji ser bêtir ji 250hezar kesî hate birîn.
Rêkxistinê destnîşan kir ko di hefteyên bûrî de xizmetên zindîdar ketine ber êrîşan, ew jî bi sedema ko êrîş ji hêla rêjîmê û Rûsya ve li ser herêmine berfireh li bakurê Sûriyê çêbûne.
Birêveberê herêmî yê Unisef yê rojhelata navîn û bakurê Efrîka Xeyret Kabalarî got ‘’ev biwara xemgîn ji êrîşên berdewam li ser bargeh û xizmetên avê, dihêle ko av bête birîn di heman çaxê ko germ bilind bûye. ‘’
Kabalarî got ji wan bargehan yên avgeha sereke ya Meeret Elnuman û ziyanin mezin gihandinê, wê hişt ko malbat ava barhilgiran bo xwe bînin.
Daxuyaniya rêkxistinê got ku nabe bargehên avê amanca êrîşan bin, û daxwaz kir ko divê herdem bêne parastin, û li gora yasaya navdewletî ya mirovî divê hemû pê pabend bin, êrîşên li ser cihên avê û jêrxana sivlî ya bingehîn li tevaya Sûriyê rawestin.
Herêmên kêmkirina şerî û bi taybetî yên parêzgeha Idlib û gundewarê Hema yê bakur ji nîsana bûrî ve ketine ber operasiyoneke leşkerî ya mezin ji hêla hêzên Esed û hevalbendên wan bi taybetî bombebarankirina taxên niştecihan û navendên zindîdar ji nexweşxane, cihên bijîşkî û dibistan û firne û cihên avê.
Hevbendiya Niştimanî ya Hêzên Şoreşê û Rikberiya Sûriyê got ku ji ber wan tawanan divê tevgereke ji dil netewên yekgirtî û dewletên kartêker çêbibe tako operasiyonên bombebaranê yên digehên sivîlan rawestînin, û bi berpirsiyariyên xwe yên sincî û yasayî rabin bo sivîlan biparêzin.
Jêder: Ofêsa Ragehandinê ya Hevbendiya Niştimanî
