Hêzên rêjîma Esed û Rûsya binpêkirinine nû derheqê ragehêneran li Sûriyê pêk anîne, bi operasiyona leşkerî ya berdewem li ser herêmên kêmkirina şerî li bakurê Sûriyê, ya ko zarok û jin kirine qurbanî û bargehên bijîşkî wêran kirine.
Duhî yekşemê wênekêşekî xwebexş yê berevaniya sivîl, Enes Diyab, di operasiyonên bombebarana ko firokên cengî yên Rûsî yên li ser Xan Şêxûn li gundewarê Idlib pêkanîne şehîd ket.
Elxiwez Elbeyda bi rêya malperên têlikiya civakî navê şehîd Diyab ragehandin, û got ko ew ragehênerekî xwebexş bû, karê berevaniya sivîl dişopand û binpêkirinên ko hêzên Esed li bajarê Xan Şêxûn pêk tanîn belge dikirin.
Diyab ji sala 2013ê ve bi şêweyekî serbixwe kar kiriye û vê dawiyê wekû wênekêşekî xwebexş di rêkxistina berevaniya sivîl ya sûrî “Elxiwez Elbeyda” de kar kiriye, ew sala 1997ê li bajarê Xan Şêxûn hatiye dunyayê, çend caran birîndar bûye, ya dawî di êrîşa Kîmawî de ko hêzên rêjîmê li ser bajarê Xan Şêxûn sala 2017ê cîbicî kirin.
Hêzên Esed aliyên herî bi deng e ji hêla berpirsiyariya kuşttina ragehêneran li gora raporta taybet ya navenda Sûrî ya azadiya rojnamevaniyê, ya kombenda rojnamevanên Sûrî, ya ko encamên binpêkirinên derheqê ragehandinê li Sûriyê ji nîveka pêşî ya vê salê de belge kirine.
Navendê di raporta xwe de ya ko roja şemiyê derketiye tekez kir ko rêjîma Esed li serê lîsteya aliyên berpirsiyar di ber binpêkirinan de ye, û di ber 17 rewşên binpêkirinê de berpirsiyar e.
Hevbendiya Niştimanî ya Hêzên Şoreşê û Rikberiya Sûriyê dibîne ko amanckitrina hêzên rêjîmê û Rûsya ji ragehêneran re tawaneke duqolî ye, çimkî ew ragehêner dibin dîdevanên rastiya ko li ser xakê ji kuştin û wêrankirinê dibe, û bal kêşand ser ko rêjîm ne tenê sivîlan dikuje belê dîdevanên kuştina wan jî dikuje.
Hevbendiyê got amanckirina sivîlan bi mebesta veşartina tawan û kirdeyên hovane ye, yên ko hêzên rêjîmê û Rûsya pêk tînin, û nahêlin bigehên alavên ragehandinê û raya giştî.
Hêzên rêjîmê û Rûsya operasiyoneke bombebarana asmanî li ser Idlib û Hemayê ji çend hefteyan de pêk tînin, di encamê de duhî tenê bi dehan kes şehîd ketine, û wêraniyeke mezin bi taybetî li nexweşxane û dibistan pêk anîne.
J;der: Ofêsa Ragehandinê ya Hevbendiya Niştimanî
