Daxwiyaniyeke Rojnamevanî
Rûsiya di 30 îlona sala 2015an de dest bi dijminkariya li ser gelê Sûrî kir, dijminkariya ku ta niha bi ser neketiye û nejî karîbû dengê azadiyê vemirîne.
Dijminkariya hovane ya ku Rûsiya debarê wê de, bêfedî ragihandiye ku wê bêhtir ji sêsed cure ji çekên nû li Sûriyê bikar aniye, tevî ku qurbaniyên wan çekan bi melyonan koçber û derbider û bi dehên hezaran pakrewan û birîndar bûn, her weha wêrankirin û rûxandina gund û bajarên Sûriyê.
Rûsiya weke hêzeka dagîrker berpirsyariya yasayî di ber hemû tewanên xwe de hildigre, û Tawana vê dawiyê yaku berî çend rojan balefirên Rûsiya li gundewarê Efrînê pêkanîne, weku bîranîna tevayan tawanên ku wê li welatê me pêk tîne hat, û raporên mafnasî û mirovahî bi awayekî berdewam hûrbîniyên tawanan û serhejmariya dijminkariyên bobelatî yên ku bûne dagîrkeriyeke eşkere û riswakirî ji xaka Sûriyê re diyar dike.
Rapor balê dikşînin ser ku curbecur tawanên cengê û tawanên dijî mirovahiyê û armanckirina dibistan û nexweşxane û mizgeft û bazaran pêk hatin, û bû sedema ketina bi dehên hezaran şehîd û birîndar û koçberkirina bi melyonan ji xelkê Sûriyê.
Dîrok tekez dike ku desttêwerdanên leşkerî yên ku dijî vîn û berjewendiya gelan bin têk diçin, û nirxê wan desttêwerdanan li ser tevaya aliyan biha ye.
Tawana Rûsiya li Sûriyê, û jikarêxistina herdem di Encumena Ewlekariyê de, di navbera xemsariyeke navdewletî de, rewaya navdewletî dike wek riyekê ji bo revê, daku tawanbar karibin pê birevin û xwe rizgar bikin, û hiştin ku saziya navdewletî bibe pergaleke pûç a ku nikare çi kêşeya navdewletî çareser bike.
Hevbendiya Niştimanî, berpisyariya dewletên çalak derbarê tawanên ku Rûsiya dermafê gelê Sûrî pêk tîne tekez dike, û daxwaza sepandina mîkanîzmên guncaw dike, daku rola wê ya tawankarî û jikarêxistinê rawestîne, û cextiyê li ser pêwîstiya kar ji bo liveke çalaktir bo cîbicîkirina biryarên navdewletî û sepandina veguhestina siyasî li welêt dike.
Şeş sal ji dijminkarî û tawanên Rûsiya, hîn li cem gelê Sûrî baweriya pêwîstiya vê şoreşê û rijdiya li ser berdewamiya wê ta qewtandina dagîrker û nokeran zêdtir bûye, ji bo avakirina Sûriya nû ya ku dê tevaya xelkê wê bi azadî û rûmet û demoqrasî bijîn, dûrî çi cudahiyê di navbera wan de.
Hevbendiya Niştimanî ya Hêzên Şoreş û Rikberiya Sûrî
Ofisa Karûbarên Penaberan
30 îlona 2021
