Şandê Hevbeş yê Hevbendiya Niştimanî ya Sûrî û Desteya Danûstandinê ya Sûrî li Emrîka civînek ji dûrve li gel Encumena êl û Hozên Sûriyê lidar xist.
Û Şandê Hevbeş yê Hevbendiyê û Desteya Danûstandinê, zincîrek ji hevdîtinên siyasî li Paytexta Emrîka Washington li gel Balyozxaneyên dost û Ofîsên Çêkirina Biryara Emrîkî lidar dixe.
Û di hevdîtinê de Serokê Hevbendiya Niştimanî Salim Elmislit, û Serokê Desteya Danûstandinê ya Sûrî Enes Elebde, û Sekretêrê Desteya Siyasî Ebdilmejîd Berekat û Endamê Desteya Siyasî û Serokê Ofîsa Têkliyên Derve di Desteya Danûstandinê de Bedir Camûs, û Nûnerê Hevbendiya Niştimanî li Washington Quteybe Idlibî û endama Desteya Danûstandinê de Fedwa Elicêlî, amade bûn.
Û Şandê Hevbeş encamên civat û hevdîtinên ku li gel şandên dewletan di Netewên Yekbûyî û saziya navdewletî de lidar xistine barçav kirin, û bal kişand ser ku di hevdîtinan de giringî dan pêwîstiya dîtina mîkanîzmeke navdewletî bo serbestberdana girtiyan û diyarkirina çarenûsa binçavkiryên kotekî, û kartêkerkirina doseya lêpirsîn û sizadanê dermafê her kesê ku destê wî bi xwîna gelê Sûrî bûye, her weha cîbicîkirina biryara 2254 bi tevaya rêyên wê, û tenê bi rêya Komîteya Destûrî ya Sûrî nekin.
Û Şandê Hevbeş tekez kir ku di tevaya hevdîtinên bi şandên navdewletî re ew han dan li ser nepejrandina normalkirina têkliyan li gel rijêma Esed an biserxistina wê û siza li ser rijêmê bimînin, ta ku veguhestina siyasî ya tam li gor biryarên navdewletî cîbicî dibe.
Û Şandê diyar kir ku wê ji tevayan daxwaza zêdekirina guhdanê bi doseya Sûrî kir, daku vegere cihê wê yê xwezayî yê li pêş di nav civaka navdewletî de, û wê bêliv nehêlin ji ber ku gelê Sûrî baca wê dide.
Û Encumena Êlan li ser berdewamiya tawanên ku rijêma Esed û rêxistina PKK dermafê gelê Sûrî pêk tîne axivî, û tekez kir ku ev rêxistin nûnertiya Kurda nake, û nejî nûnertiya daxwaz û doza wan ya rewa dike.
Û Encumena Êlan matmayiya xwe anî ziman, derbarê bêdengiya navdewletî ji ber wan tawanên ku li pêşiya cîhanê dibin, di riya bombebaran û kuştina bi mebest û girtin û binçavkirina kotekî û teqînên teroristî yên di nav sivîlan de pêk tên.
Û Encumena Êlan cext kir ku rewşa mirovahî li deverên rizgarkirî hîna dijwar e, ew jî zêdekirina alîkariyên mirovahî ji aliyê civaka navdewletî û saziyên navdewletî ve bo hewcedarên Sûrî dixwaze, û bal kişand ser ku rewşa tenduristî bi sedema belavbûna bêtara korona bobelatî ye, ji ber ku veksîn li gor tê xwestin ji hêla xelkê ve nehatine birin, daku rê li pêşiya bîtarê bigre.
Û Encumena Êlan tekez kir ku gelê Sûrî bêyî cîbicîkirina tam ji biryara 2254an bi hemî rêyên wê daku bighêje çareya siyasî û hêviyên azadî û rûmet û demoqrasiyê pêk bîne razî nabe.
Jêder: Ofîsa Ragihandinê ya Hevbendiya Niştimanî ya Sûrî
