Şandê Hevbeş yê Hevbendiya Niştimanî ya Sûrî, û Desteya Danûstandinê ya Sûrî, li Emrîka, civînek ji dûrve li gel Komeleya Ciwanên Sûrî li gundewarê Helebê lidar xist.
Û Şandê Hevbeş yê Hevbendiyê û Desteya Danûstandinê zincîrek ji hevdîtinên siyasî li Paytexta Emrîka Washington li gel Balyozxaneyên dost û Ofîsên Çêkirina Biryara Emrîkî lidar dixe.
Û Şandê Hevbeş ji Sekretêrê Desteya Siyasî Ebdilmejîd Berekat û Endama Desteya Danûstandinê Fedwa Elicêlî û rojnemevan Eymen Ebdilnor beşdar bûn.
û Ebdilmejîd Berekat li ser encamên civat û hevdîtinên ku Şandê Hevbeş li gel Şandên Dewletan li Netewên Yekbûyî û Saziya Navdewletî lidar xistine axivî, û bal kişand ser ku hevdîtin di warên siyasî û yasayî û mirovahî de bûn.
Û Berekat got ku Şandê Hevbeş giringî da ser pêwîstiya dubarekirina guhdana bi pirosesa siyasî û ku wê pêşde bidin, daku biryarên navdewletî cîbicî bibin, û veguhestina siyasî ya tam li welêt pêk were, ji ber ku çareya siyasî ew baştirîn çare ye ya dê derdeseriyên gelê Sûrî bidawî bîne.
Û Berekat tekez kir ku fişareke mezin hate kirin, ji bo ku doseya girtî û binçavkiriyên kotekî bête livandin, ew jî di riya hewldana dîtina mîkanîzmeke navdewletî ya bêalî re, daku girtiyan berdin û çarenûsa binçavkiriyên kotekî diyar bibe.
Û Berekat diyar kir ku Şandê daxwaza mana sizayên ku li ser rijêma Esed hatine sepandin kir, û nehêlin hewldanên normalkirina têkliyan pêre biser bikevin, û piştgiriya hukimdariyê li deverên rizgarkirî bikin, û kar li ser xurtkirina hêzên şoreşê li ser asta rêvebirî û siyasî bibe.
Ji aliyê xwe ve Fedwa Elicêlî tekez kir ku Şandê Hevbeş dengê ciwanên Sûrî yên şoreşger gihande civatan û helwestên wan yên neguhêr ji bo bidestxistina azadî û rûmet û demoqrasiyê diyar kir.
Û got ku ji bo gihiştina veguhestina siyasî ya rasteqîn divê serê mar anku serê rijêma Esed li welêt were birîn, û serokê rijêmê Beşar Esed û sembolên desthilatê siza bibin.
Û Eymen Ebdilnor şiroveyek li ser siruştiya civatên ku Şandê Hevbeş yê Hevbendiya Niştimanî û Desteya Danûstandinê li dar xistine bi armanca ku hejmarek mezin ji civatan pêk bînin daku deng û daxwazên gelê Sûrî bighînin wan civatan pêşkêş kir.
Û bal kişand ser ku dê giringiya hevdîtinên Şandê li Washington hebe, ji ber ku dê li gel Wezareta Berevaniyê û Serokatiya Erkanê û navendên lêkolînan yên ku di hundir ofîsên çêkirina biryarê de dixebitin lidar bikevin.
Û bal kişand ser ku Revenda Sûrî li Emrîka kar dike ji bo ku bandorê li ser çêkiriyên biryarê bike, li gor ketwarê nû.
Ji aliyê xwe ve Komeleya Ciwanan tekezî li ser pêwîstî û giringiya berdewamiya têkliyan li gel tevaya çalakvanên siyasî û gelêrî û girêdana bi xakê ve kir, her weha giringiya ku haya cemawer ji van hevdîtinan hebe.
Û tekezî li ser pêwîstiya berdewamiya sizayan li ser rijêmê û di pêşî de Yasaya Qeyser kir, her weha pabendiya bi cîbicîkirina biryarên navdewletî û di serî de biryara 2254 û serbestberdana girtiyan û parastina pirensîp û armancên şoreşê.
Jêder: Ofîsa Ragihandinê ya Hevbendiya Niştimanî ya Sûrî
