Daxuyaniyeke Rojnamevanî
Hevbendiya Niştimanî Ya Hêzên Şoreş Û Rikberiya Sûriyê
2 tîrmeh 2016
Îro li danê sibehê, Rêjîmê kuştarek hovane pêk anî, dema bi firok û topxaneyan êrîşî tax û navendên xwendinê û yên pizîşkî yên bajarê Cîrod li gundewarê Şamê kir, û têde firokan bombeyên weşîdar bikar anîn, û di amareke destpêkî de nêzîkî 30 kesî şehîd ket, zarok û jin jî di nav wan de hene, tevî ku bidehan kes hatine birîndarkirin û hin kes bêserûşûn jî hene.
Herwiha bajarê Resten jî rastî êrîşên esmanî hat, û têde 5 kes hatin şehîdkirin ku 2 ji wan zarok in.
Hevbendiya Niştimanî vê tawanê û sercem tawanên li dijî sivîlan şermezar dike, û tekez dike ku sivîl di vê tawanê de, bi mebest hatin armanckirin, goman tê kirin ku ev tawan hewleke tolvekirinê bû li ser ketina firokeke rêjîmê, duhî, dema bi pêkanîna kuştareke wek ya vê tawanê radibû, ku sivîl û jin û zarok, hêjî yekem armanca êrîşên rêjîmê ne bi piştgiriya Rûsiya û Îranê, bi awayekî eşkere sivîl tên kuştin û armanckirin, ji ber ku armancin hêsan in, û herwiha weku hewlên bidestxistina “destkeftan” bi çi rengî be ne xem e, yan tolvekirin ji sivîlan e, ji ber ziyan û têkşestinên tuşî wan dibe bi destên şoreşgeran û artêşa Azad.
Xwîna nû ya îro hatî rijandin, herwiha xwîna xelkê Sûriyê ya ji 5 salan ve tê rijandin, belgeyan têxe di dest me de li ser nemana rola civaka navdewletî, herwiha sercem desteyên navdewletî têne şermezar kirin, piştî şikestina wan di erkên wan yê parastina ewlehî û aştiya navnetewî de.
Rehma xwedê li şehîdan be,
Saxî ji birîndaran re,
Azadî ji girtiyan re,
Bijî Sûriya û gelê wê bi azadî û serbilindî