Daxuyaniyeke Rojnamevanî
Di şeşemîn salvegera komkujiya kîmyayî ya xemgîn de, ya ji hêla rejîma Beşar Esed ve di vê rojê de, roja 21ê Tebaxê, 2013 hatibû pêkanîn, em dilovaniya xwedê ji qurbaniyên wê re yên piranî jin û zarok dixwazin, hêvî dikin ku Xwedê sebr û aramiyê têxe di dilê kesukar û malbatên wan de, û di heman demê de em piştrast dikin ku civaka navdewletî gihîştiye astek çavnerêkirî, ku hêjî nekare vê rejîma hovane rawestîne ji pêkanîna tawanên zêdetir li dijî sivîlan, yan jî rawestîne ji bikaranîna çekên kîmyayî yên qedexekirî.
Ev roj dê berdewam bimîne şahid li ser şermezarkirina rejîma Esed, û herweha sîstema navdewletî, ku nekarîbû bi erka xwe rabe li hember rûdana vê tawanê, û ne tenê ev jî ku rêkeftin û têgihiştin ligel tawanbaran pêk anîn bi rêya têgihiştinên şikestî bûn encamê îmzekirina radestkirina amrazê tawanê û berdana destê tawanbaran, ku salên borî eşkere kir ku rejîmê karî civaka navnetewî bi hêsanî bi xapîne û vegere li ser bikaranîna çekên kîmyayî li çend deveran li pêş çav û li ber guhê cîhanê, ku ev yek dupat dike ku rejîmê hemû cebilxaneya xwe ya kîmyayî radest nekiriye û herweha rabûye bi berhemhênana wê careke din bi riya hin kompaniyên ewropî ku heta niha têne şopandin.
Li pêşberî vê rastiya navdewletî ya tal, em dest bernadin ji daxwazên azadiyê û rûmetê, û em tekez dikin ku em berdewam bimînin li ser daxwazkirina çalakiyên bilez ji bo rawestandina tawanên rejîma Esed û hevalbendên wê li dijî mirovahiyê, û misogerkirina darizandina hemû berpirsiyaran li ser bingeha biryarên navdewletî, bi taybetî biryara 2118, nemaze yên li ser darizandina tawanbarên bikaranîna çekên kîmyayî li Sûriyê.
Em bang ji bo hevkariyê ji mirovên xwe yên bîhnfireh dikin ji bo bidestxistina mafên meyên rewa û em soza xwe nû dikin ku xwîna şehîdên xwe yên canfîda bicîh bînin, û piştrast dikin ku doseya vê komkujiyê dê derbas nabe û tawanbarên wê dê bigehîn sizayên xwe.
Serbilindî ji şehîdan re, saxî ji bo birîndaran, azadiya ji bo girtiyan,
Bijî Sûriya û gelê xwe bi azad û serbilindî.
Hevbendiya Niştimanî ya Hêzên Şoreş û Rikberiya Sûriyê
Ofìsa Ragihandinê
21.08. 2019
