Daxuyaniyeke Rojnamevanî
Îro êvarî 20 Adara 2015 du teqîn li Taxa Gundê Miftî li bajarê Hesekê çê bûn, ahengên Newrozê amanc kirin, di encamê de 50 şehîd ketin û bêtir ji 100 kesî birîndar bûn, piraniya Birîndaran birînên wan dijwar in û li ser çar Nexweşxanan hatine belav kirin.
Em di Hevbendiya Niştimanî ya hêzên Şoreşê û Hevrikiya Sûriyê evî karê tiroristî yê tawankar pirotesto dikin û em sersaxiyê ji malbatên pakrewanan re dixwazin û bi hêvî ne ko Birîndar bi xêr bin. Em ji xelkên xwe li Herêma Cezîrê Kurd û Ereb û Siryan û Aşûrî mil bi mil ligel hev bin di rûyê tiroristiyê de ,ew tiroristên ko xwestin Newroza ahenga azadiyê û jiyanê bikin golên xwînê, da xizmeta zordarî û hêzên tariyê û dijminê mirovaniyê bikin.
Xwedê Şehîdan bi dilovaniya xwe şad bike
saxlemî ji Birîndaran re û azadî ji Girtiyan re
Bijî Sûriya, bijî miletê wê azad û serfiraz
Hevbendiya Niştimanî ya Hêzên Şoreşê û Hevrikiya Sûriyê
20 Adara 2015
