Îro êvarî di roja înê 20/3/2015 bidehên şehîd û birîndaran li taxa Miftî li bajarê Hesekê ketin, di encama du teqînên tiroristî bi du tirimpêlên bumbekirî ku du ahengên newrozê armanc kirinbûn.
Li gor peyamnêrê me yê Hesekê , teqîna pêşî ahengek Tevgera Civaka Demoqrat TEV-DEM armanc kir, û ya din ahenga Encumana Niştimanî Ya kurd armanc kir, û li gor tekezkirina peyamnêr, hejmarek mezin ji kesên aheng dikirin şehîd û birîndar ketin û hatin veguhestin bo nexweşxaneyên bajêr û hin birîndarên birînên wan dijwartir bo nexweşxaneyên Qamişlo û Amûdê hatin veguhestin.
Di peywendiyekê ji malpera me bi birêz Mehmûd Ocê serokê Encumana Xwecihî Ya Hesekê re, tekez kir ku teqîn di dûmahiya ahenga Encûmana Niştimanî Ya Kurd de çê bû. Ocê weha jî got: piştî hatina zanyariyan ji Qamişlo ku hemî rengên ahengan bi newrozê hatine tunekirin me biryara rawestandina ahenga Hesekê stand, di wê çaxê de me dengê teqîna ahenga TEV-DEM bihîst, û piştî çend saniyan teqîna ahenga Encuman jî çêbû.
Encana dawî ji qurbaniyan re li gor hin ajansan , hejmara şehîdan giha 50 û ya birîndaran giha 200 kesî.
Hêjaye gotonê Hevbendiya Niştimanî di daxuyaniyek xwe de ev bûyer şermezar kir û ew bi tiroristî û tewankarî salix da, û ji tevaya pêkhateyên gelê me yên Cezîrê bi kurd û Ereb û Aşûrî û Siryanên xwe ve xwest, ku yekrêz bin di rûyê kesên ku dixwazin newroza jiyan û azadiyê bikin şîn û golên xwînê , ji bo bercewendiyên hêzên tariyê û dijminên mirovahiyê.
Jêder: Hevbendî