Xalid xoca Serokê Hevbendiya Niştimanî ya Sûriyê ,îro danê sibehê li bajarê Xazî Entabê yê Tirkiyê digel Encûmena serkirdayetiya leşkerî ya bilind û desteya giştiya Erkan ya Şoreşê civiya, û bi wan re rewşa Siyasî û leşkerî di Sûriyê de gengeşe kir.
Herwiha Xoca gengeşeya rêkarên avakirina navceyên tenah li bakur û başûrê Sûriyê kir, û behsa şêwazên têklihevkirina hêzên şoreşgerî û yên leşkerî li jêr serkirdayetiya Erkan kir; bo pêkanîna hêzeka navendî ku bibe bingeha pêkanîna artêşeka niştimanî, bi yek sîmbol û yek diruşmî.
Amadebûyan tekez kirin ku her danustandinek bi rêjîma Esed re yan bi pêkhateyên din yên opozisiyonê re, pêdivî ye di çarçova prensîpên şoreşa Sûrî de be û li gor biryarên navdewletî yên di vê derbarê de hatine derxistin be, ku di têkista wan biryardan de damezrandina desteyeka desthilata veguhêz hatiye, û rûxandina rêjîma ewlekarî bi sercem hêmanên xwe ve û di pêşiyê de rûxandina serê rêjîmê Beşar Elesed yê tawankar.
Xalid Xoca got ku ” çareseriya ku em dibînin bi encam û sûde ye, ewe ku em di qonaxa bê de, dezgehkirina desteya Erkan bi serperiştiya efserên teknîkar û pîşeyî, çi ji efserên pilebilind bin yan ji serpelan bin”, herwiha got ku bi hîç şêwayî nabe rola wan şoreşgerên çek hilgirtin bête wendakirin, nemaze ew şoreşgerên ku roleka wan ya kara hebû di serkêşiya şoreşê û rizgarkirina hin navçeyên welat ji destê hêzên rêjîmê, û balkişamd ku cihê wan wê parastî be di hindur sekirdayetiya leşkeriya nû de.
Jêder: Hevbendî
