Daxuyaniyeke Rojnamevanî
Îro yekemîn salvegera erdheja wêranker e ku li herêmên bakurê Sûriyê û başûrê Tirkiyê xistibû û ziyanên mirovî û wêraniyên mezin li pey xwe hiştine, ji ber ku bandorên wê hîn li bakurê Sûriyê diyar in ji encama bersivdana navdewletî ya lawaz hember vê bobelata mirovî ya mezin, û hiştin ku gelê Sûriyê rûbirûyî vê belayê bi şiyanên xwe yên kêm ên ne li gor tiştê tê xwestin bimîne.
Karesata erdhejê trajediya mirovî li bakurê Sûriyê mezintir kir, ew trajîdya ku rêjîma Esed û piştgirên xwe çêkiribûn, û Ji ber nebûna karvedana navdewletî ya ne erênî bi karesatê re, bandorên wê ta îro jî hene, û rewş hewcedarî şopandin û dermankirinê ye ji bo sivikkirina rewşa xirab a malbatên rizgarbûyî.
Bi vê helkeftê, Hevbendiya Niştimanî ya Sûrî bang li rêxistinên navdewletî û navnetewî dike û daxwaza alîkariyên mirovî ji sûriyan re bi du aliyan ji wan dike, pêşî xizmeta wan kesên ku ji ber erdheja Sibata borî ziyan dîtine û temamkirina pêdiviyên wan, nemaze penageh û xaniyên guncaw, ji bo jiyaneke ewle û bi rûmet bijîn, û di beşê duyem de xizmeta malbatên aware li bakurê Sûriyê bikin, bi taybetî bi tundbûna hejariyê re piştî kêmkirina piştevaniya navdewletî ji malbatên hewcedar re, herwiha Hevbendiya Niştimanî tekez dike ku derketina ji nav qeyranên mirovî yên li pey hev ên ku Sûrî tûşî wan dibin, bi rêya çareserkirina koka pirsgirêkê ye, bi piştgiriyeke rasteqîn û cidî ji veguhestina siyasî re û cîbicîkirina tam û tekûz ji biryara 2254 re ji bo gihîştina Sûriya azad, demokrat û piralî.
Hevbendiya Niştimanî ya Hêzên Şoreşê û Rikberiya Sûrî
Ofîsa Ragihandin û Peywendiyan
06 sibat, 2024
