(Hewlêr – Hîwa can ) Kampa giwêlan ji aliyê rêveberî ve bi ser parêzgeha Dihokê ve ye tevî ku bêhtir nêzî parêzgeha Hewlêrê ye bi dûrbûna 45 KMan , û navê kampê ji navê gundê giwêlan yê ku di dema rêjîma Sedam de Ereb bi tenê lê hebûn hatiye. Piştî rûxandina rêjîma sedam Ereban dest ji gund berdan û gund bêkes ma. Lê piştî destpêkirina şoreşa sûrî ya pîroz û beşdariya kurdan di şoreşê de, kurdan ziyanên pir mezin dîtin dema bi sedema êrîşên çekdarên radîkal li ser şar û navçeyên wan bûn penaber, û bi sedema zêdebûna penaberên sûrî li kampa domîzê beşek ji wan penaberan li tenişt gundê giwêlan bi rengekî şêlûpêl bicih kirin, lê piştî du mehan rêxistinên mirovî û hikûmeta herêmê ji wan kesan re xanîyine çadir ava kirin, û pêdiviyên jiyanê jî li wê kampê hatin pêşkêşkirin. Lê ji dema êrîşkirina rêxistina Da´işê li ser navçeya Kobanî û bêtir ji 200 hezar mirovî di encamê de penaber bûn û beşek ji wan penaberan berê xwe dan herêma Kurdistanê, wê çaxê kampa giwêlan pêşwaziya penaberên Kobanî kir , û li gora ku penaberekî ji kampê ji mere tekez kir ku di qunaxa şeş rojan de jimara penaberên Kobanî li kampa giwêlan giha 1200 penaberî û tevde bixanî bûn û pêdiviyên jiyanê jî bo wan hatin dan , û çi rêxistinên mirovî hene li kampê her roj riya xwe bi wan penaberan dixin û li daxwazên wan guhdar dikin. Ji alîlkî din ve wî penaberî ji me re diyar kir ku daxwaza penaberan li vê kampê ku cadeyên wê qîr bikin, nexasim cadeya ji kampê ta riya ( hewlêr – dihok ) kû dirêjiya wê dighê 3 KMan.
Kampa Giwêlan Pêşwaziya Penaberên Kobanî Dike
Neguhêrên Hevbendiyê ev in: parastina serbixwebûn û serweriya niştimanî ya Sûriyê, di çarçova yekbûna xak û gelê wê de, û Hevbendî kar ji bo ruxandina rijêmê û tevaya sîmbolên wê dike, jihevxistina dezgehên wê yên ewlekarî û sizakirina kesên destên wan bi xwîna Sûriyan bûye, û bizavê ji bo pêkanîna veguhestina siyasî di Sûriyeke sivîl û demoqrat û firealî dike.
© Mafên belavkirinê li bal Hevbendiya Niştimanî ya Hêzên Şoreşê û Hevrikiya Sûriyê parastî ne 2012. Hemû maf parastî ne.