Tora Sûrî ya Mafên Mirovan, di rapora xwe ya dawî de, tekez kir ku ti hêvî di mersûmên ku rêjîma Esed derdixe de nîne, ji ber ku cîbicîkirina wan tenê ji bo girtiyên ku rêjîm dixwaze wan bibexşîne de ye, û tewankar û gunehkarên cînayet kirine li xwe digirin, û çalakvanên tevgera aştiyane û beşdarên di şoreşa gelê Sûriyê de li xwe nagirin.
Û torê di rapora xwe ya duh derketî de, ya ku wek şiroveyekê ji mersûmê ku rêjîmê derxistiye re hatî, got ku, rêjîm hewcedarî 325 salan e daku bidehhezaran girtî serbest berde, ew jî pîştî 17 mersûmên efûyê yên ku rêjîmê ji heyva gulana 2011an de derxistne.
Û di raporê de hat ku ger rêjîm dest ji girtina bi kotekî ya welatiyên Sûrîyê berde, û dest bi serbestberdana girtiyan li gorî biryarên efûyê yên ku ji hêla wê ve hatine derxistin bike, û 230 kesî her şeş mehan berde, ew tê wê wateyê ewê di her salekê nêzî 400 kesî berde, wê gavê rêjîm hewcedarî 325 salan e ji bo 130 hezar girtî berde.
Û raporê eşkere kir ku, ji dema biryarnameya yasayî ya berê ya hejmara 20 ya di 15ê êlona 2019an de derketiye, rêjîm heyvekê tenê jî pirosesên girtina kotekî ranewestandine, û diyar kir ku wê ne kêmtir ji 665 girtinên bi kotekî yên ku hêzên rêjîmê pê rabûne tomar kirine, û mirina 116 kesan ji ber îşkenceyê di girtîgehên rêjîmê de ji 15 heyva êlona 2019 ta dîroka derketina mersûma nû di 22 adara 2020an de belge kirine.
Û raporê bal kişand ku rayedarên hin şaxên ewlehiyê guh nadin merasîmên ji aliyê serokê rêjîmê derdikevin, lewra ta ku navê hin girtiyan di lîsta efûyê de hebin jî, dimîne biryara cîbicîkirina qanûnê li ser xakê di destê serokên wan şaxên ewlekariyê de ye, yên ku Wezareta Dadê nikarê zorê li wan bike di cîbicîbûna biryarê de.
Û rapora Tora Mafên Mirovan, anî ziman ku tu wate ji hemî biryarên efûyê re nîne, û rêjîm di opirasyonên terorîstî û gefên li ser civakê û pirosesên berfireh û ne yasayî yên girtinê de, herweha di xistina girtiyan di bin lêdan û îşkence û bêserûşûnkirinê de berdewam e.
Û rapora torê daxwaz ji Neteweyên Yekbûyî û civaka navdewletî kir ku bi pîlanên rêjîmê neyên xapandin, û di zextên li ser rêjîmê de berdewam bin, daku çalakvanên siyasî û mafnasan û xwepêşander û hemû rikberan serbest berde, û barê belavbûna vîrosa korona di nav bihehezaran girtiyên sûrî de hilgire, herweha barê metirsiya belavbûna vîros di nav civaka gelê sûriyê jî hilgire, ji ber berdewamiya liva milîsên Iranî di navbera Iran û Sûriyê de.
Jêder: Ofîsa Ragihandinê ya Hevbendiya Nişrimanî ya Sûrî
