Tora Sûrî ya Mafên Mirovan, îro sêşembê, di serhejmariyeke nû de, karên dizî û talankirinê yên ku hêzên rêjîmê û milîsên mezhebî yên pêre alîkar li deverên ku vê dawiyê ketine bin kontirola wan de di nav helmeta leşkerî ya ku rêjîm li Idlib û gundewarê Haleba başûr pê rabûye eşkere kirin.
Û Tora Mafnasî got ku hêzên rêjîmê û milîsên pê re, 30 gund li deverên bakurê Hemayê û gundewarên başûrê Idlibê û gundewarên rojavayî Helebê talan kirine, ji 26 nîsana 2019 ta niha.
Û torê bal kişand ku ew tiştên hatine talankirin li bazarên Sqêlbîyê yê gundewarê Hemayê têne firotan, bi heman şêweyê ku rêjîmê piştî kontrolkirina bajarên parêzgeha Hemayî û Humsê di sala 2012 û 2013 kiriye.
Û raporê diyar kir ku, bêtir ji 98% ji welatiyên deverên rizgarkirî ji deverên xwe direvin dema ku hêzên rêjîmê berve gundên wan tên, tevî pêlên sermê, û tinebûna çadir û pêdvîyên jiyanê yên sereke.
Tê zanîn ku hêzên rêjîmê û milîsên bi ser ve, bi piştevaniya hêzên Rûsiya, bi opersyonke leşkerî ya berfireh êrîş kir, û tê de tewanên cengê dermafê sivîlan pêkanîn, û avahiyên giştî û xalên bijîşkî armanc kirin, daku sivîl werin koçberkirin, û ew bû sedema mezintirîn pirosesa derbiderîyê ji sala 2011an de berve kamp û sînorê tirkiyê.
Jêder: Ofîsa Ragihandinê ya Hevbendiya Niştimanî ya Sûrî
