Turkiya: Rejîma Esed Nerewa Ye û Bi Kêr Fermandariya Sûryayê Nayê

Werzîrê Derve Yê Tirkî Mewlûd Çawîş Oxlo salixa rejîma Esed wisa da: ” Ne rewa ye û bi kêrî fermandariya Sûryayê nayê”. Bal kişand ser pêwistiya ” Têkbirina hemû rêxistinên tirorî”. Û dît ku piştgiriya wan mîna ” Lîska bi agir e”. Ajansa rojnamegeriya Firensî dît ku serdana berpirsê Tirkî bo Tehranê ronî da ser nakokiyên mezin di navbera her du dewletan de, nemaze di derbarê dosya Sûrî de.
Hêja ye gotinê ku guftugoyin di orta heyva bûrî de di nav Cîgirê Serokê Emrîkî Co Baydin û Serokê Tirkî Receb Teyib Erdogan de çêbûn, her du aliyan tê de li ser pêwistiya hebûna ” Demeke veguhêz di Sûryayê de ku Esed tê de ne beşdar be ” tekez kirin.
Baydin di kongirekî rojnamegerî de bi hevkûfê xwe yê Tirkî re got: ” Me awayên xurtkirina şoreşgerên Sûrî , misogerkirina demek veguhêz bê Esed, herweha bêparkirina tundrewan ji penahek aram û têkbirina wan guftugo kirin”. Baydin di razîkirina Tirkyayê de bo tevlîbûna Hevpeymaniya Navdewletî dijî tirorê bi ser nekt, Erdogan wê çaxê merc danî ku ew di hevpeymaniyek armanca wê ne rûxandina Esed û têkbirina tirorê be beşdar nabe .
Balyozê Emirîkî yê berê li Sûryayê Robert Ford di hefteya bûrî de istratîjiya hêzên Hevpeymaniyê bi tundî rexne kiribû: ” Em bûne bi rola hêzên azmanî bo Esed radibin” di destnîşaneke li ser êrîşên azmanî yên Hevpeymaniyê li ser devereke ku Artêşa Azad tê de hêzên Esed dorpêç kiribûn, û ew derb bûn sedema vekirina dorpêçkirinê ji ser wê deverê.
Roberd tekez kir: ” Derbên azmanî yên Hevpeymaniyê rejîma Esed xurt dikin”. Roberd zêde kir: ” Derbên azmanî yên Hevpeymaniyê pê ziyan gihandin hêzên şoreşê, rastiya wê kêm kir, û hêza Cebhet Elnesra ya ku şerê Esed dike kêm kir”. Û berdewam kir: ” Divabû ku me stratîjiya xwe di vî warî de diyar kiriba, û daba xuyakirin çima em li Cebhet Elnesra didin”. Ford tekez kir ku têkbirina Daiş zehmet e eger Esed di deshiltdariay Sûryayê de berdewam be, û destnîşan kir li ser pêwistiya zêdekirina fişarê li ser Esed bo têkbirina Daişê û rawestandina rêtina xwînê ku ev sê sal in li Sûrî berdeam e. ji hêla xwe ve, wezîrê berevaniya Emirîkî Tşak Hîgil got: ” Rejîma Esed bi awayekî nerasterast ji Hevpeymaniya Navdewletî ku bo şerê rêxistina Daiş pêk hat sûde wergirt “. hîgil zêde kir :” Esed e yê ku tevlîhevî li Sûryayê afirand “.
Hêja ye gotinê ku Serokê Hevbendiya Niştimanî Sûrî Hadî Elbehra di heyva bûrî de ev yek di gotina xwe de diyar kir: ” Nerînek li cem me heye ku Hevpeymanî û hêzên Esed di heman alî de kar dikin, ji ber Esed bi serbestî dilive”. destnîşan kir ku :” Bidawîkirina rêxistina Daiş – ku nexweşî ye- bê rûbirûbûna sedema sereke ji vê nexweşiyê re anku rejîma Esed nabe “.
Behra di bîra hêzên Hevpeymaniyê û cîhanê de anî ku” Ji ber rêxistina Daiş metirsiyek li ser jiyana milletê Sûrî ye, Artêşa Azad biryara şerê wê bê şêwermendiya Civaka Navdewletî stendiye”. Behra tekez kir: ” Êrîşên azmanî ku hevpeymanî bê operasyonên bejekî bi wan radibe serkeftinê pêk naynin”. Ev yek bi cî nayê eger ne di riya piştgiriya Artêşa Azad û hevrêziya pê re be, û di heman demê de şerê rêxistinên tirorî yê dî, di destnîşankirineke ji rêxistinên pişgirên Esed mîna Hizbillah û Yekîneyên Ebû Elfedil Elebbas û ji bilî wan jî.
Hêder: Hevbendî