Serokê dewleta Imarat Şêx Xelîfe Bin Zayid Al Niheyan Ferman da bo destpêkirina rasteqîne jibo avakirina pireke azmanî ji dewleta Imarat bo veguhestina keresteyên hawarçûnê yên lezgîn ji bo alîkariay hezarên penaberan li Urdin û Libnanê, herweha ziyanliwanbûyên li Xezayê û bajarên Filestînî yên din, ji bo bûrandina zivistana dijwar ya vê salê ku serma digihê çend pileyan berjêrî Sifir. Al Niheyan got: ” Wê dewleta Imarat li ser nameya xwe ya mirovahî; paytexta xêrê, bihinvedaneke sereke bo hawarhatina belengazan û desteke dirêjkirî bo dana hemû hejaran bimîne”. Tekez kir ku ” Rahiştina êş û azara sedên hezaran ji penaberan di vê zivistanê de erkeke wijdanê me yê mirovahî liser me ferz dike, û ola me ya Islamê me bi ber ve dibe, herweha rewiştên me yên Imaratî û resen ku bavikên me yên damezirêner di me de çesipandine me rêve dibin”. Al Niheyan doz li hemû saziyên têkildar û çalakiyên niştimanî kir bo dest bi helmeta mirovahî bikin, ku hemû beşên civakê ji welatî û nişteciyan bide ber xwe da beşdariyê di sivikirna êş û azarên penaberan di zivistana dijwar de bikin. Û got zariwên Imarat zariwên Zayid ê Xêrdar in, û em hêvî ji milletê Imarat û hemû nişteciyan dikin ku dest bi helmeta mirovahî ya Imaratî bo alîkariya birayên xwe yên penaber û ziyandar di van rewşên seqaya dijwar de bikin. Herweha Cîgirê Serokê dewletê, Serokê Encumena Wezîran, Hakimê Dubey Mihemed Bin Raşid Al Mektûm ferman da bo destpêkirina rasteqîne di bicîanîna pirên azmanî yên Imaratî jibo veguhestina alîkariyên zivistanê. Al Mektûm got:” Wê Dewleta Imarat bi serkirdayetiya Şêx Xelîfe Bin Zayid Al Niheyan Serokê Dewletê, piştgireke serek bû û wê bimîne piştgirekî sereke ji penaberan re, û dest ji pirsiyariyên xwe yên mirovahî di bin çi rewşê de be bernade”.
Jêder: Hikûmeta Demkî
