Îro Nûnerên 20 Dewletan li Paytexta Birîtanya Londonê dicivin da bizava Navdewletî ji bo şerê li dijî Dewleta Islamî “Daiş” binirxînin, civîn bi serokatiya Wezîrê Birîtanî Fîlîp Holand û Wezîrê karûbarê derve yê Emerîkî Con Kêrî û bi beşdarbûna nûnerên heşt dewletên Erebî ew jî ev in: Îraq, Urdin, Misir, Qeter, Si’ûdiyê, Îmarat û Behrên.
Berdevka wezareta karûbarê derve ya Birîtanî Fereh Dexlellah got: Civîna îro li Londonê bi amadebûna Wezîrên derve yên 20 Dewletan di pêşiyê de yên Emerîka û Birîtanya û li ser ka çi qas pêşveçûn Hevpeymanê li dijî Daişê kirine, tevli pênc doseyên bingehîn gengeşe dibin ew jî ev in: Şervanên Biyanî, Kampanya Leşkerî li dijî hêza Leşkerî ya Daişê, Pûçkirina Jêderên Pereyên ko digihên Daiş, Birrîna navgîniyên hevgihandina istiratîcî li Rêkxistinê, û Alîkariyên Mirovî.
Civîna Londonê çi hêvî jê nîn e ko tiştekî nû jê derkeve dê libendemayîna ko Kongirêsê Emerîkî daxwaza Serokê Emerîkî Barak Obama erê bike, bi derêxistina biryarekê da hêzê li dijî Daişê bikarbîne pesend bike.
Çavdêr dibînin ko “Hevpeymana Navnetewî” û civînên wan yên berdewam û ya dawî li Londonê dîsa di erênayeke xuyanî de ne di beraberiya metirsiya Daişê de, hêj berfireh dibe û istiratîciyên lerizok tu sûdeyê di beraberiya wê de nadin an jî ew (Şaneyên Eliktironî) yên ko Serokê Emerîkî digel Serokwezîrê Birîtanî di damezirandina wan de berî çend rojan li Waşinton hevpeymanî kiriye, di Boşeya Eliktironî de bi amanca bi pey Daiş bikevin, ya ko “Daiş “ aniyeke metirsî di rêkxistin û leşkerkirin û rêklamê ewê bikartînin, û heta bi êrîşkirina berjewendiyên Dewletên Rojava dikin.
Herweha Hevbendiya Niştimanî Sûrî di gelek daxuyaniyên xwe de aşkere kiriye ko “istiratîciya Hevpeymanê ya ko hewl dide kinarên pirsgirêkê çareser bike û negihê çareserkirina koka pirsgirêkê ew jî rêjîma Esed e, ew istiratîcî têk çû.”
Xalid Xoce Serokê Hevbendiya Niştimanî sedema firehbûna Rêkxistina Daişa tirorist dibîne ko tunebûna istiratîciyeke siyasî û leşkerî zelal li bal Hevalên Miletê Sûriyê di beraberiya alava kuştinê ya Rêjîma Esed de ya ko ev çar sal in Sûriyan dikuje û got: “Yek ji sedemên serekî ji pêşveçûna Rêjîma Daişê ko tu piştgiriya leşkerî bi Artêşa Azad re tunebû da beraberiya Rêjîma Esed bike.”
Elxoce tekez kir:”Artêşa Sûrî ya Azad ya ko di Cenga Daişê de ew pêşeng bû û pispor e , gava ko Daişê êrîş bir ser Helebê Artêşa Azad bi karînên xwe yên hindik bi aliyê Rojhilatê de berdayê..”
Jêder: Hevbendî+Elerebî Elcedîd
