Rêjîma Esed biryara qirkirin û şewtandina Dûma ya Xûta Şamê bi mûşek û agirê firokên şer daye, û ji çend rojan ve û heta niha bêhtir ji 100 kesî bûne qurbanî û bidehan kes birîndar bûne di zincîrek kuştarên hovane de.
Ku duhî hêzên rêjîmê bi mûşekên Girad û mûşekên pereşot yên xudan hêzeke wêrankirina mezin û bi narincokên hawinan êrîşî bazara gelêrî û xaleka pizîşkî li Dûma kirin û têde 23 kes kuştin, û hindek kesên din di êrîşên esmanî de li ser taxên nişteciyan hatin kuştin.
Hin jêderên pizîşkî ragihandin ku duhî nexweşxaneyên Meydanî tevlî kêmbûna derman û kerestên pizîşkî pêşewaza bêhtir ji 100 birîndarî kirin .
Têzanîn ku Mûşekên Pereşot bi xurtiya hêza teqîna xwe û berfirehbûna wêrankirina xwe tên naskirin, ku rêjîma Esed di Adara 2013an de ev mûşek di topbarankirina bajarê Hemûriyê de bikar anîbûn, û di wê komelkujiyekê de 67 şehîd ketin û bidehan kes birîndar bûn.
Hêjayî gotinê ye ku Hevbendiya Niştimanî di daxuyaniyekê de, daxwaza parastina Sivîlan û rawestandina êrîşên esmanî yên hovane yên rêjîma Esed li ser Xûta Şamê ji Civaka Navdewletî kir, û berdevekê wê Salim Elmislit bi tundî “Ev êrîşa terorî ya rêjîma Esed û bikaranîna Siyaseta qada Şewtî li hember sivîlan” şermezar kir.
Ku Elmislit di wê daxuyaniya xwe de gotibû: “ Rêjîma Esed êrîşeke terorî ya bi kîn û zikreşî ku derbirîna rastiya wî dike pêk tîne, ji ber ku ew birek çeteyên terorîstên rêxistî ne, û bi dirêjahiya dehên salan li ser Sûriyê û milet û samanên wê bi kuştin û serkutkirin û xirabiyê zal bûne”.
Herwiha Elmislit daxwaz ji Civaka Navdewletî kiribû bi ” pêwîstiya lez bête kirin di sepandina Navçeyên Tenah de li bakur û başûrê Sûriyê, û pêşkêşkirina piştgiriya lezgîn û giştî bo Artêşa Azad da bikaribe Sivîlan biparêze û êrîşên esmanî yên firokên Esed li ser tevaya gund û bajar û bajarokên Sûriyê rawestîne”.
Jêder: Hevbendî
