Doh Artêşa Azad heft makîneyên leşkerî û bidehan leşkerên hêza Esed û Çeteyên Hizbullaha tirorist li Busra Elherîr li Der’a kuştin.
Hêza Esed û Çeteyên Hizbullaha tirorist kampanya derbasbûna bajarê Busra Elherîr û Herêma Lucat û Milêhet El’eteş, bi bidehên alavên giran pêk anî, lê alayên Şoreşgeran di rûyê wan de derketin û Serpereştê operasiyonê kuştin û çend leşker hêsîr kirin Efserek jî di nav wan de hebû, û paşî hêzên êrîşker bi bal lîwayê 12 û Bargeha Serpereştiya Firqa pêncan ya kevin vekêşiyan.
Lê Dezgehên ragihandina Rêjîmê daxuyaniyek belav kirin ko hêzên wan şer bidawî kirin û li Herêma Rojhilatê Horanê aramancên xwe pêk anîn. Lê li ser xakê ne wisa ye, çimkî Artêşa Azad wêneyên kuştiyên Rêjîmê û Çeteyên wê û hêsîrên sax û Tangên dişewitîn belav kirin.
Busra Elherîr bi temamiya derdorên wê ve di bin kontrola Şoreşgeran de ma, û bi bal Rêbenda Elm’esere li ser durêka Milêha El’eteş bi pêş ve çûn. Şerekî tund bi hêzên êrîşker re kirin, Şoreşgeran dest danîn ser Tirêkisekê û Tangekê û çekek dijî Firokan û hin çek û cebelxaneyên din.
Giringiya bajarokê Busra Elherîr ko dikeve navbera rêka parêzgeha Siwêda û bajarokê Izre’h li Gundewarê Der’a yê Rojhilat, di dawiya sala 2013an de di cenga bi navê “Amûd Horan” bêtir ji du mehan ma û Rêjîma Esed bi dehan tang û bi sedan leşker ji dest dan û Şoreşgeran bajar kontrol kir.
Jêder: Hevbendî
