Nûnera Amerîka ya herdemî di Netewên Yekgirtî de Samansa Bawer duhî di civîna gengeşkirina rewşa Rojhilata Navîn di Encûmena Asayîşa Navdewletî de got ku “em dibînin li Sûriyê dorpêçkirin wek tektîkekê tê bikaranîn ji aliyê heryek ji rêjîma Esed û rêxistina terorîst ya DAIŞê ve”.
Bawer balkişand ku bajarê Dêrazorê tevlî bajarên dorpêçkirî bûye, piştî ku rêxistina DAIŞê bi awayekî peyrewkirî rê li pêş alîkariyên mirovî girt û heta av jî li ser birî bi maweyê çend heyvan, ku rêjîmê jî ji aliyê xwe ve rê li pêşiya çûna welatiyên wê girtin”.
Bawer tekez kir ku heryek ji rêjîma Esed û terorîstan “azarên sivîlên Sûriyê wek amrazekî bo bihêzkirina helwestên xwe û lawazkirina helwestên dijberên xwe bikar tîne”.
Nûnera Amerîka amaje kir ku Valîrî Amos cêgira sikirtêrê giştî yê Netewên Yekgirtî “Encûmen agehdar kir ku amarên Netewên Yekgirtî amaje bi hebûna 440 hezar sivîlên di navçeyên dorpêçkirî de dikin, herwiha ku piraniya wan nikarin ji wan navçeyan derkevin û herwiha alîkarî jî nagihin wan”, tevlî ku hin rêxistinên hawarhatinê vê hejmarê bilindtir didin zanîn.
Hêjaye gotinê ku Hevbendiya Niştimanî bi tundî kiryarên herdu aliyan şermezar kirin, lê berpirsyatiya herî mezin xiste stûyê rêjîma Esed derbarê tişta di hindur Dêrazorê de diqewime, ku bû alîkar bo timakirina dorpêçkirina bajêr û zêdekirina derdeseriyên sivîlên dorpêçkirî ji bona rijandina rondikan û herwiha da xwe bide xuyakirin wek bêguneh û qurbanî.
Hevbendiyê daxwaz ji saziyên hawarhatinê yên Netewên Yekgirtî yên sûrin li ser têkiliyê digel rêjîma Esed kiribû, ku pêwîst e fişaran bêxin li ser rêjîmê bo derbaskirina alîkariyên bilez bo sivîlên dorpêçkirî, ligor bicihkirina biryara Encûmena Ewlekariyê ya hejmar 2139 ku derbaskirina alîkariyên mirovî bo tevaya navçeyên dorpêçkirî tê de hatiye nivîsîn, bi taybetî digel destpêka zêdebûna nexweşiyan di hindur bajêr de bi sedema nemana keresteyên pakirina avê û birîna eletrîkê ya berdewam, ku dergehê çendîn qutabxaneyan hatine daxistin bi sedema belavbûna kêç û gurîbûn û nexweşiyan wek Zerik û Tîfoyê.
Jêder: Hevbendî+ wekalat
