Komîta bala ya ji bo birêveberiya Zankoya Helebê di Encûmena Fêrkirina Bala de ya bi ser Deshilata Sûriyê ya demkî ve di civîna xwe ya dawî de di 28.07.2015an biryar da ko bi şêweyekî destpêkî neh Kolîc û Şeş Peymangeh di beşê yekem ji sala xwendinê ya nû dê vebin.
Di destpêkê de nuha ev Kolîc dê vebin: Zanyriyên Olî, Mafnasî, Wêje, Abûrî, Endazyariya Bajarvanî, Endazyariya Mîkanîk, Biyolojya û Endazyariya Çandiniyê.
Her wiha Zanko dê Peymangeha Teknîka Endazyariya Mîkanîk û Elektrîkê û Peymangeha Bijîşkî û Peymangeha Bijîşkiya Diranan (Diransazî) û Peymangeha Birêveberî û Firoştinê û Peymangeha Çandiniyê veke.
Ji evan Peymangeh û Kolîcan re dê beş li Parêzgehên Bakur û Başûr hebin. Her wiha Komîta bala plan dike ko Kolîca Bijîşkî û ya Dermansaziyê di beşê pêşî ji sala nuh de veke. Dê biryarekê di du hefteyên dahatî de pê bistîne.
Wezareta Perwerde û Fêrkirinê ya Desthilata Sûriyê ya demkî amadekirinên xwe yên ji bo bikaranîna Zankoya Helebê ji Parêzgehên Bakur re ji bo sala xwendinê 2015-2016 ew jî di plana xwe ya ji bo bikaranîna Zankoyan li herêmên rizgarbûyî pêk bîne.
Tê zanîn ko Zanko dê li gora sîstema Yekîniyên Ewropî ya nûjen kar bike. Û dê beşên kolîcan li Herêmên rizgarbûyî li Parêzgehên din jî dê veke. Û Wezaret bi hêvî ye ko sala nuh ya xwendinê di heyva Elûla dahatî de destpê bike da serkeftiyên nû bi bakalorya û derçûyên berê jî bipejirîne di mercên navnivîsandinê yên ko di çaxekî din de bêne ragihandin.
Jêderekî di Wezareta perwerdeyê de got ji erkê wezaretê ye ko xwendina bala li Herêmên rizgarbûyî ji xwendekarên ko ev bûye çar sal ji xwendinê bêpar in dabîn bike. Tev ko gelek astengî li pêşiya evê pêngavê hene.
Bêtir got: ev pêngav dişibe ya derkirina bawernameyên bekelorya yên ko desthilata demkî ew bexş kirin.
Destnîşan kir ko Wezaret dê kar bike ji bo danpêdanê bi bawernameyan dabîn bike. Ew dê peymanan bi zankoyên Ewropî û Navdewletî re bike. Her wiha çakiya fêrkirinê ewê jî alîkariyê di danpêdanê bi bawernameyan bike.
Diyar kir ko zanko dê bi kadirên fêrkirinê yên ko ji Rêjîmê cuda bûne danûstandinê bike û dê rawêjên navdewletî ji wan re dabîn bike. Diyar kir ko ev pêngav ronakeke di dîroka Şoreşa Sûriyê de ye da rewaya navdewletî ji Rêjîmê bikêşîne.
Jêder: Hevbendî
