Wek bersivekê li ser belevbûna wêneyê zarokê Sûrî ku li ser peravekî tirkiyayê fetisandî hatibû dîtin Serokê Tirkî Receb Tayib Erdogan îroj pênşembê dewletên Ewrupî tawan bar kirin ku wan Deryaya Spî kirine “Goristenek Bo Koçbera”.
Erdogan di gotareke li Enqerayê da got:” Dewletên Ewrupî pişta xwe dan penaberên di Deryaya Spî de difetisin “. û berdewam kir” Dewletên Ewrupî ên ku Deryaya Spî kirin goristan ji koçberan re hevparê tawana ku her dibe penaberek tê kuştin”.
Serokê Tirkî tekez kir ku mirovahî hemû di ber fetisandina zarokê Sûrî ku duh li ser peravên Tirkî hate dîtin berpirs e.
Ji hêla xwe ve Hevbendiya Niştimanî Sûrî tekez kir ku rejîma Esed pirsyarya tekûz derbarê hemû tiştê ku bi serê xelkên Sûrî li hinder û derve, û di deryaya de tê hildigre, ji ber ew e ê ku şer dijî millet azadîxwaz dike, bermîlên teqîner û çekên kimawî bikar tine, melyonê Sûriyan bo penaberiyê û koçberiyê bêçar dihêle.
Hevbendiyê destnîşan kir ku hemû aliyên Civaka Navdewletî aliyekî ji vê pirsyariyê hildigrin, divê bi erkê xwe bo parastina aştiyê û ewlehiyê û parastina sivîlan ji mirina berdewam rabin.
Herweha hevbendiyê ji dewletên pêşwaziya penaberan dikin xwest ku yasa û zagonin nû derxin bo karubarê penaberan bi hesanî bi rê ve herin, û nehêle rejîma Esed astengiyan ji wan re derxe, û di bîr de anî ku pêwist e parastina mirovahî û yasayî ji wan re peyda bikin.
Jêder: Hevbendî
