Encumana Niştimanî ya Kurd bi tevayî û herweha emaneta wê ya giştî bi taybet rojên Şemê û Yekşemê 3 û 4ên Cotmehê li bajarê Qamişlo civatên xwe lidar xistin.
Destwerdana Rûsiya di Sûriyê de, û programê xwendinê yê ku rêveberiya xweser ya ser Partiya Yekîtiya Demuqrat ve û hin mijarên din di civatê de hatin gengeşekirin.
Di dawiya herdu civînan de serokatiya ENKS kongirekî rojnamevnaî lidar xist û têde Ibrahîm Biro serokê ENKS û cîgirên wî biryarên civînan ji dezgehên ragihandinê re diyar kirin.
Biro bi tundî destêwerdana Rûsiya di Sûryê de şermezar kir û got” mebesta Rûsiyan ji vê yekê parstina rêjîmê ye û ne lêdana DAIŞ e”.
li ser programên xwendinê yê ku PYD ferz kiriye Biro got” tevgera siyasî ne li dijî xwendina zimanê Kurdî ye, lê ne bi vî şêweyê çewt û nedurst re ye, ev rêbaz îdyolocîkirî ne , yê partiyekê ne û cihê metirsiyê ye li cem welatiyan ji ber ku ne kesên pispor ew amade kirine”.
Serokê ENKS diyar kir ku di derbarê vê rewşê de, ENKSê wê rapor û peyaman ji aliyên navdewletî re û bi taybet rêxistinên Yûnêsko û Yûnisêv re bişîne.
Ji hêla xwe ve cîgirên serokê ENKS kiryarên PYD li bajarê Efrînê şermezar kirin, û bi taybet tevlîkirina welatiyan di saziyên rêveberiyê di bin darê zorê de.
Her wiha serokatiya ENKS karê xwecihî û ofîsên xwe bi çêweyekî baş nirxand û doza kar û çalakiyên din li wan kir.
Jêder: Hevbendî
