Wezîrê Karê Derve yê Firensî Loran Fabyos, duh înê ragihand ku wê welatê wî li Netewên Yekbûyî biryarekê bo qedexekirina avêtina bermîlên teqîner bi ser sivîlan de li Sûryayê pêşkêş bike.
Fabyos di kongirekî rojnamegerî hevbeş de, bi şanderê navnetewî li Sûryayê Stîvan Dî Mistora re got” Divê em tiştê gerek e bikin, ta ku rejîma Esed bes sivîlan bumbebaran bike” û destnîşan kir ku Firensa wê di rojên were de biryarekê di Encumena Ewlehiya Navdewletî bo qedexekirina bermîlên teqîner pêşkêş bike.
Fabyos ji rojnamevanan re derbarê xwestina Firensa hefteya were bo wezîrên karê derve ên Elmanî, Birîtanî, Erebistana Si`ûdî, Emirîkî û ji bilî wan diyar kir ” Di hewldanekê bo pêşvebirinê”, û destnîşan kir” Tiştê giring peydakirina çareyeke siyasî ” li Sûryayê ye.
Di roja pênşembê de balyozê Firensî li gel Netewên Yekbûyî diyar kiribû ku pirojeyeke di vê derbarê de wê nêzîk were pêşkêşkirin, û bal kişand ku Ispanya û Birîtanya di vê pêşinyariyê de beşdar bin.
Hevbendiya Niştimanî Bo Hêzên şoreşê û Hevrikiya Sûrî doz ji bo pêşxistina biryarekê kir ku bihêle Encumena Ewlehiyê bikaranîna rejîma Esed ji bermîlên teqîner re rawestîne, û dît ev yek ne li gor biryara Netewên Yekbûyî nemre 2139an e, ku dibêje pêwist e bumbebarankirina tewş li ser sivîlan raweste.
Hevbendiyê li ser bandora tewş ji bermîlên teqîner re û kuştina sivîlan tekez kir, ji ber sivîl rêjeya mezin ji hejmara qurbaniyan in, di nav wan de jin û zarok jî hene.
Jêder: Hevbendî
