Çekdarên Partiya Yekîtiya Demuqrat li bajarê Kobanê di revandina zarokên ku temenê wan kêmtirî 15 salaye û çekdarkirina wan de berdewame. li gor ku çalakvan Mihemed Mistefa ji mere da zanîn ku “nimûneyek ji wan Evîn Mistefa Bilal e, ya ji gundê Yaremez ya temenê wê 14 sale”.
Mistefa diyar kir ku malbata Evîn xwestin ku keça xwe vegerînin lê hêza bi navê Yekîneyên Parastina Jinê (YPJ) daxwaza wan red kirin.
Sebaret helwêsta xelkên Kobanê ji vê diyardeyê, Mistefa got ” revandina zarokên temen biçûk bûye cihê nerazîbûna xelkê” û bal kişand ser Fêsel Hecano ku berî demekê agir berdabû canê xwe da ku nerazîbûna xwe li ser tevlbûna keça xwe di nav YPJê de nîşan bide û di encampê de jiyana xwe ji dest da.
Mistefa eşkere kir ku bi destpêka sala nû re wê girtina ciwanan bi mebesta leşkeriya neçar dest pê bike û ev biryar bûye cihê metirsiyê di nav xelkên bajêr de.
Jêder: Hevbendî
