Roja pêncşemê Encûmenên Parêzgehên Sûriyê kongirê xwe yê damezrandinê yê yekem li hindurê welat lidarxist, û têde rêkeftin li ser damezrandina encûmena bilind ya encûmenên parêzgehan bi armanca bihêzkirina karê encûmenên parêzgah û encûmenên xwecihî û yên şaxan û danîna pilanên stratîjîk û boçûnên siyasî bo paşeroja sûriyê.
Ehmed Qesûm serokê helbijartî yê encûmena bilind derbarê armanc ji avakirina Encûmenê axivî û got ku armanc jê nexşekirina stratîjiya giştî bo encûmenên xwecihî û standina biryarên giring yên pêxema hemû sûriyan, û hewldan bo bilindkirina asta karê encûmenên parêzgehan û yên xwecihî û şaxan û danîna pilanên stratîjîk û boçûnên siyasî bo paşeroja Sûriyê.
Endamê Nivîsîngeha cêbicêkar ya parêzgeha Şamê Cewad Ebû Heteb, tekezî li ser giringiya karê vê encûmenê kir tevlî hebûna aliyê siyasî bi rêka hebûna boçûneke siyasî û nûnerayetiya encûmenên parêzgehan di civînên navdewletî û di kongirê pêwendîdar bi kêşeya Sûriyê ve, ku berî niha ev alî winda bû di karê encûmenên parêzgehan de.
Ebû Heteb got ku giringe nûnerayetî û boçûnek siyasî hebe ji encûmenên parêzgehan re ji ber ku ew beşê herî mezin e ji nûnerayetiya sûriyan, û herwiha li ser giringiya pişkdariya wan di standina biryaran de derbarê paşeroja Sûriyê.
Têzanîn ku encûmena bilind ji serok û cîgirên serokên encûmenên parêzgehan pêk tê, tevlî sikirtêrên giştî yên parêzgehan, û karê serokatiyê bi Qesûm serokê encûmena parêzgeha Idlibê bi şêweyek demkî hat spartin, heta civîna encûmenê ya bê.
Herwiha hejmarek ji serok û nûnerên encûmenên parêzgehên sûriyê di civînê de amade bibûn, û îmza hatin kirin bi destên serokên encûmenên parêzgehên Heleb û Laziqiyê û Şam û gundewarê wê û tevlî herdu parêzgehên Hema û Idlibê.
Jêder: Elsûriya Net
