Serokê Rûsya Potîn mikur hat ko Esed: “gelek şaşitî di seranserî cengê de kirine” cenga ko rêjîma Esed ev pênc sal li dijî miletê Sûrî û bi piştgiriya Rûsya û Îranê dike.
Potîn got“ne her tişt li Sûriyê diriste û ne Esed hemû tiştên rast dike.”
Di hevpeyivîna digel rojnameya “Bild” ya Almanî de ya roja sêşembê 12.01.2016an belav bû, Botin penaberiya li Rûsya bo Esed pêşkêş kir gava ku neçar bibe ji Sûriyê derkeve. Potîn got”hêj ne wexte ko Rûsya bibêje ew dê Esed bihêwirîne “.
Bêtir got”berî her tiştî gerek miletê Sûrî karibe hilbijartinan bike, di pey re emê binerin eger di hilbijartina de têk çû, ewê hingê gerek ji welêt bar bike. ”
Potîn helwesta Rûsya ya piştgiriya Esed dubare anî ziman, û behane da bombebarana Artêşa Sûrî ji milet re, çimkî li gora wî ew li dijî “çekdaran e”. Serokê Rûsya got: “eger derb li sivîlan ketine ne gunehê Esed e, lê belê ew sûcê çekdaran û piştgirên wan in, bi taybetî yên biyanî ”.
Hevbendiya Niştimanî dibîne ko Rûsya piştgira sereke ji tawankariyên Esed re ye, û ew e ya ku garantiyê dide wî, û ew şirîkê bingehîn ji tiroristiya dijî miletê Sûrî re ye
Hevbendiyê daxwaz ji Encûmena Ewlekariyê kir ku têwirdanê bike ji bo Firokên Esed û Potîn ji bombebarana Sivîlan û cihên wan û nexweşxane û dibistanan birawestînin.
Hem doz li Rêkxistinên Mafê Mirovan kir da tevbigerin ji bo tawankariyên cengê û tawankariyên li dijî mirovanhiyê yên ko Hêzên Esed û Firokên Rûsya dikin aşkere bikin, û bi pey berpirsên tawankaran bikevin û wan radestî dadgeha dadiya navdewletî bikin.
Jêder: Hevbendî
