Serkirdeyê herî bilind yê hêzên NATO li Oropayê Ceneral Fîlîp Birîdlav hişiyarî da kongirêsê Amerîkî derbarê bikaranîna Esed û Rûsya ji penaberan re wek çekekî li dijî Oropayê.
Ceneralê Amerîkî duh sêşembê êvarî di daniştinek guhdarkirinê de bo dîtina nêrîna wî ji aliyê komîta hêzên çekdar di kongirêsê Amerîkî de derbarê arîşeyên ewlekarî yên Oropa tûşî wan dibe, her ji ” zêdebûna çalakiyên dijminkarî yên Rûsiya ta bi qeyrana penaberan û metirsiya rêxistina DAIŞê”.
Birîdlav got” her yek ji Rûsiya û rêjîma Esed koçberkirinê wek çek bikar tîne, bi şêweyekî pîlankirî ji bo belavkirina tevlîheviyê û şikandina hêza viyana Oropî”.
Û Birîdlav nîşan da ku “tu şêweyê ku bikaranîna bermîlên teqîner wek alaveke leşkerî şirove bike tuneye ji ber ku bermîlên teqîner hatine çêkirin ji bo tirsandina xelkê û derxistina wan ji malên wan, û derbederkirina wan da ku bibin arîşe ji hinên din re.
Û da xuyakirin ku “Oropa di rûyê arîşeyeke mezin de ye, ji encama koçberiya tevayî ya bi sedema ne aramiyê û rûxandîbûna dewletê û ne diyarbûna tewankar û têrorîst û şervanên biyanî”.
Oropa seranserî sala çûyî rûbirûyî koçberbûneke tevayî ji bêhtirî meliyon penaberî re bo dewletên wê bû ku piraniya wan Iraqî û Sûrî ne .
Jêder: Acans
