Şanderê Amerîka yê taybet bo Sûriyê Maykil Rantî tekez kir ku “Esed û hevalbendên xwe her ji destpêkê û heta niha, ew jêderê serekî yên kuştin û eşkencedan û derdeseriyê bûn di vî şerî de”, yên ku rêjîma Esed ji berî pênc salan ve li dijî gelê Sûriyê pêk tîne, Rantî tekez kir ku Amerîka bi zelalî hemû kiryarên hovane yên di Sûriyê de hatine encamdan şermezar kirin.
Rantî dîsa got ku: dadwerên NY yên serbixwe niha bi dirustkirina binyatên dadgehkirina encamderên tawanan di paşerojê de ava dibin û got: ” ev mijar nema mijara (wê bibe yan na) belê bûye mijara (wê kengî bibe)”.
Li aliyek din duhî roja sêşemê dadwerên NY, ên di doseyên mafên mirov di Sûriyê de gotin ku pêwîste tawankarên ferman cêbicê dikirin bêne dadgehkirin li pêş desthilatên biyanî heta bikaribin kesayetiyên siyasî û yên leşkerî yên mezin bên pêşkêşkirin bo dada navdewletî.
Herwiha Karla Dêl Bontî ku ewjî dadwereke berê ye di tawanên şer di NY de, û herwisa endama tîma lêkolîneran e ji rojnamevan re, got ku 15 daxwaz-name ji hejmarek welatan gihiştine wan ji bona bidestxistina zanyariyan, der barê navên tawankaran yên ferman cêbicê dikirin û çekdarên biyanî, û got ku ” ev destpêke ber bi pêkanîna dadgeha navdewletî”.
Hêjayê gotinê ye ku rêjîma Esed piştgirî ji bêhtir ji 40 mîlîşên tayifeperist yên biyanî wergirtiye di serî de ji çeteyên hizibulaha terorîst û çeteyên Îranê û Îraqê û yên Evxanistanê di şerê xwe de yê li dijî gelê Sûriyê.
Jêder: Hevbendî + Wekalat