Li Daniştgeha Busra Şamê ya şûnwarî ya li parêzgeha Der’ayê, gera duyem ya Mehrecana Sûriyê Ya Filmên Mobaylê dest pê kir, û çend filmên tomarkirî hatin pêşkêşkirin, têde ketwara şoreşa Sûriyê û êşên gelê wê diyar kirin, di dema ku rêjîm dest ji desthilatê bernade, û di kirina komelkujiyan de berdewam e.
Çalakiyên Mehrecanê doh çarşembê, bi amadebûna hejmarek mezin ji rahêner û sivîlan ku di ser 200 kesî re bûn dest pê kir, û rêveberê pêşkêşkirina dîmenan di dezgeha “Kolan” ya serpereştiya mehrecanê dike, Mîzer Meter, di daxuyaniyeke taybet de got ku ” armanca Mehrecanê ew e ku hejmarek baş ji fîlmên tomarkirî li gelek deveran li hundurê Sûriyê pêşkêş bike, û serboreke nû di cîhana fîlmên dîkomentkirinê de pêşkêş bike”.
Û Meter da xuyakirin ku Mehrecan wê hejmarek ji fîlmên xwe li Berlîn paytexta Almanya pêşkêş bike, û mehrecan hêvî dike ku bibe beşek ji dîmenê sînemaya cîhanî, di riya têkildariyên di nav wê û mehrecanin navdewletî û Erebî de, û dezgehên taybetmend bi hunerên wêne û sînemayê, û hewl dide ku dîtineke cuda û azad ji sînemayê re pêşkêş bike, û baweriya wê ew e ku ne merce ku dîmena pir zelal û xuya be, ew ya herî hûrbîn be.
Û Meter nîşan dan ser ku parçe-fîlmên bi Mobaylan hatine tomarkirin, roleke wan ya serekî di bizavên cîhana Erebî, yên nerazîbûnê, de hebû, û her weha got ku bihezaran ji welatî û rojnamevanên Sûrî, parçevîdyoyên balkêş tomar kirine, ew dîmen karîbûn derkevin dervî sînoran, û bi deng û wêneyan di rûyê tundiya diktatoran de rabin, ta radeya ku kamîraya mobile bû alaveke sereke di xebata aştyane û derbirîna azad de.
Tê zanîn ku Mehrecana Sûriyê ya Fîlmên Mobilê, di sala 2014an de, cara yekem bû ku ronahî dît, û fîlmên xwe li gelek bajarên Sûriyê ji cemawerên xwecihî re pêşkêş kirin, tevlî rewşa ewlekariyê ya dijwar, rahişt nerînên derhênerên Sûrî û li bêhtir ji 20 bajarên cîhanê li seranserî dunyayê geriya.
Û Mehrecan hewil dide ku platformeke balkêş biafirîne, ji bo derhênerên pîşekar û yên arezûmend han bide ji bo fîlmên afrandyarî bi pereyên kêm bi wênekêşana mobaylê çê bikin, her weha pêşkêşkirina parçefîlmên sînemayî, û mehrecan derfeteke baş dide rahênan û zêdekirina karîna pîşeyî ji derhênerên gênc re li ser pirogramê “bîksel” yê rahênana berdewam sertaserî salê, û di riya bexşanên weberhênerî û xelatan.
Ji bo dîtina rapora wênekirî ji Mehrecanê re: vê Lînkê bitikîne.
Jêder: Hevbendî
