Roj bi roj jiyan li parêzgeha Hesekê zehmet dibe û welatî rastî aloziyên mezin tên, bi taybet rewşa abûrî û nebûna pêdiviyên jiyanê yên sereke nemaze çûreyên sebze .
Di nîvê heyva Nîsanê de nirxê kîlok Becanan li parêzgeha Hesekê 1000 lîreyên Sûrî derbas kir û li piraniya bajaran peyda jî nabe.
Hejar Kûsa welatiyek ji bajarê Hesekê ji malpera mere got: li vî welatî nema tê qedandin, ji ber ku cûdabûnek mezin di navbera karên welatiya û pêdiviyên wan yê rojane peyda bûye, û eger kîloya Becana bi 1000 lîreyî be wê çawa welatî jiyana xwe birêve bibin û mûçeyê wan yê rojane nagihêje 1000 lîreyî” .
Derbarê buhabûn û tunebûna şînkayî li bazarên parêzgehê peyamnêrê me hevdîtinek li gel Ehmed Gelo bazirganê şînkayî kir, têde tekez kir ku sedema serke ji vê kirîzê re birîna riyên serke bi parêzgehên hundire re ye.
Gelo diyar kir ku ne bitenê girtina dergehê Sêmalka sdema vê buhabûnê ye, lê dibe ku girtina Sêmalka bibe sedema ku çûreyên din buha û qut bibin, lê sedma nebûna şînkayî ew e ku riyên ku tên parêzgeha Hesekê ji hêla hêzên çekdar ve hatine birîn.
Di heman demê de çavkaniyên taybet ji devera Mebrûka ji peyamnêrê mere diyar kirin ku rêbendên bi ser Partiya YekîtIya Demuqrat PYD ve rê nadin kemyonên şînkayi ku derbasî parêzgehê bibin.
Tê zanîn ku dergehê Sêmalka yê Sînorî bi Kurdistana Îraqê re ji hêla Hikûmeta Herêmê ve hatiye girtin ji ber kiryarên PYD û nepabendiya wan bi taybetmendiya dergeh.
Jêder: Hevbendî
