Perlemanê Erebî destêwerdana Îranê ya yekser û ya ne yekser di riya milîşiyayên Hizbelah ya Libnanî di karûbarên Dewletên Erebî de şermezar kir, û perlemana Erebî di biryarên xwe yên domahiyê de tekezî li ser retkirina xwe ji her destwerdana derekî re ji kîja alî be û di kîjan dewleta Erebî de be ku di encamê de gefê li saxlemiya ewlekariya Netewa Erebî dike kir, û “Hizbelah wek girûpeke terorîst pesend kir”.
Ev biryarên bûrî di dawiya karên rûniştina xwe ya çaremîn, ya ku roja yekşemê li baregehê komkara Erebî li Qahîrayê çêbû dan.
Û serokê perlemana Erebî Ehmed kurê Mihemed Elcerwan got: “Hizbelah partiyeke terrorist e”, û got ku Komkara Erebî wiha biryar daye, her wiha gelek ji belgenameyên Navdewletî û rêxistina Hevkariya Islamî pê hene, ji ber destêwerdanên wê yên neyînî di karûbarên hejmarek ji dewletên deverê de”
Her wiha lotkeya 13 ya “rêxistina Hevkariya Islamî”, ya ku karê xwe îna bûrî li Istanbolê bi dawî kir ji Îranê xwest, ku destêwerdanê di karûbarên navxweyî yên Dewletên endam di rêxistinê de neke, û şermezarkirina xwe ji Hizbelaha terorîst re ji ber karên wê yên terorîstî li Sûriya û Yemen û Kuweytê û Behrênê anî ziman” “
Û di daxuyaniya dûmahiyê de ya Lotkeya ku du rojan dirêj kiribû di bin silogana :” yekîtî û hevkarî ji bo dadmendî û aşîtiyê”, bi beşdarbûna nûnerên ji zêdî 50 Dewletên Islamî û zêdetir ji 20 serokan di nav wan de hebûn, ew tiştên ku bi nav kirin”destêwerdanên Îranê di karûbarên navxweyî yên Dewletên herêmê û Dewletin din yên endam ku Behrên û yemen û Sûriya û Somal ji wa in” û berdewamiya wê ji piştgiriya terorîstiyê re şermezar kir.
Û serokê berê yê Hevbendiya Niştimanî ya Sûrî Hadî Elbehra tekez kiribû ku gelê Sûriyê hêvî dike ku ew dem bê, ku Hevpeymaniya Islamî li Sûriyê beşdariya xwe di tunekirina terorîstiyê de bi hemî pêkhateyên wê zêdetir bike, ku hemî rêxistinên terorîst û yên ku tewanan derheqê bêgunehan dikin li xwe bigre tevlî Mîlîşyayên tayfeperest yên ku rêjîma Esed ew anîne, û Îran rêveberiya wan li herêmê dike ji bo berfirehkirina zalbûna xwe û çandina giyanê tayfegerî û ramanên tundrewî li deverê.
Û Elbehra bi xurtî got: ku çênabe civaka Navdewletî rêxistinên terorîst yên wek Da’işê bibîne, û rêxistinên din yên ku terorîstiyê dijî gelê Sûriyê bikar tînin wek Hizbelah ya ku terorîstiya wê bi ser ya Da’işê ketiye piştguh bike.
Û Elbehra nîşan da ku Mîlîşiyên Hizbelah roleke wêrankarî û terorîstî li herêmê dilîzin û dixwaze aramiyê nehêle, û tevlîheviyên tayfeperestî çêbike, di riya wêrankirin û terorîstiyê re, û ev Mîlîşya hevparên sereke yên Beşar Elesed in, di kuştina zêdetir ji 300 hezar şehîdî li Sûriyê.
Jêder: Hevbendî+ Elwekalat
