Tora Sûriyê Ya Mafên Mirov, kuştina 102 karmendên Berevaniya Sivîl ya Sûriyê di navçeyên rizgarkirî de, di êrîşên hêzên Esed û Rûsiya de li dijî navendên Berevaniya Sivîl bibelge kirine.
Tora navhatî duhî di raporta xwe de derbarê diyartirîn binpêkirinan di derheqê Berevaniya Sivîl de li jêr navê “Kum Û Destên Sipî” got ku “bikaranîna çekên giran wek tank û topxaneyan ji aliyê rêjîma esed her ji havîna 2011an ve, û paşî bikaranîna firok û mûşekên şer her ji destpêka 2012 an ve, bûn sedema pirtirbûna kiryarên kuştin û wêrankariya metirsîdar, ku bi sedan kes hatin kuştin di bin kavilan de bi sedema derengketina derxistina wan ji deverên wêrankirî, tevî mirina bisedên kesan ji ber derengketina veguhestina birîndaran bo nexweşxaneyan, ev hemû bûn fakter ji bona damezrandina rêxistenekê bi navê bergiriya sivîl”.
Di raportê de hat ku “êrîşên bêserûber yan yên arastekirî yan yên neguncayî, ligor yasa mirovî ya navdewletî bi êrîşên nerewa tên pesendkirin, herwiha ku êrîşên hêzên esed û rûsiya li ser baregeh û otombêlên bergiriya sivîl, sivikatiyek erzan û eşkere ye bi nimiztirîn pîverên yasa mirovî ya navdewletî, û dibin tawanên şer yên dubarekirî”.
Li aliyel din ku îro carek din parêzgeha Helebê rastî gelek êrîşan ji aliyê dijminkariya Rûsiya û rêjîma esed ve hat, bi armanckirina taxên Elheyderiyê û Gereka Elcendûl û kampa Hindirat û riya kastîlo û taxa Elterab û Elraşidîn, bi dehên mûşekan ji firokên şer û hilîkopteran, tevî bombebarankirina bajarokên Ellêrmûn û kefir hemra û Hirêtan li gundewarê bakur, û bajarokên Elî’is û Xan toman û Elzirbê li başûr û bajarokê Xan Ele’sel û Kefirnaha û “Gundê Yekem Yê Endezyaran” li rojavayê Helebê, ku ev êrîş bûn egerê ziyanên mezin li ser jêrxana bingehîn, û heta niha hejmara kuştiyan nehatine serjimêrkirin.
Herwiha ku ji duhî ve hêzên Esed êrîşên xwe xurt kirine bi taybetî li ser Dareya û Xan Elşîh, û herwiha li ser navçe û bajarokê Elhola li gundewarê bakurê Himusê, ku hin sivîl hatin birîndarkirin û ziyanên mezin li xanî û navendên giştî bûn.
Jêder: Hevbendî
