Şanda Jinên Opozisyona Sûriyê di Desteya siyasî ya danûstandinan, pêr li Romayê hejmarek ji hevdîtinan li Romayê pêk anîn.
Di serdanê de Şande bi berpirsiyarin mezin yên wezareta derve ya Îtalya re û bi Emîndarê peywendiyên dewletan yê Fatîkanê hem jî endamine ji parlemanê Îtalî re civiyan.
Her wiha bi nûnerine astbilind ji “Sant’Egidio” û simînarin gotûbêjiyê li Peymangeha Peywendiyên Navdewletî der barê giringiya rola Jinê û civaka sivîl di danûstandinên siyasî de li jêr navûnîşana “ji bo veguhestina siyasî li Sûriyê: Jin di Oerasiyona Aştiyê de”, û birêvebirê Peymangehê Îtor Girisyo tekez kir ko jiyana miletê Sûriyê bobelatek e, û nabe mirov li himber bêdeng be. Gerek civaka navdewletî piştgiriya evî miletî bike da bi çareyeke siyasî ya aqilane da derfeta Aştiyê pêk bîne.
Şandeyê li ser rola Jina Sûrî ya berbiçav di operasiyona Cinêvê û di paşeroja Sûriyê de tekez kir, hem ji aliyê Îtalî re diyar kir ko giring e tevgereke navdewletî çêbibe dako tundiya bêserûber li dijî sivîlan bidawî bîne, û yên ko mafê mirovan binpê kirine bêne sizakirin.
Şandeyê rewşa bobelat ya bajarên dorpêçkirî û zêdegaviyên ko di derheqê Girtiyan de dibin û awayê çareserkirina civaka navdewletî ji van herdu dosyan re, û beraberiyên têne pêş ji ber serhişkiya Rêjîmê di cîbicîkirina biryara 2254an şirove kirin.
Jinên Opozisyonê, diyar kirin ku binpêkirinên rêjîmê yên li pey hev ji biryara 2286an re ya taybet bi rawestandina kirdeyên dijminkarî dike, dihêle nema miletê Sûrî ji rastiya operasiyona danûstandinan bawer bike. Û doz kirin ko gerek civaka navdewletî sizayine tund li ser yên ko biryarê binpê dikin deyne, dako operasiyona siyasî bête ser rêka xwe ya dirist û dest bi danûstandinên veguhêza siyasî bikin, da dasthilatdariya zordar bidawî bikin, û seqayeke guncaw ji bo berhemdana destûrekê ji bo mafê miletê Sûrî bi hemû pêkhatiyên xwe ve dabîn bike.
Şandeyê bi fermî serdana Fatîkan kir, û hevdîtin bi Emîndarê peywendiyên bi dewletan re, Pol Rêtşard Galagir re kir, û komîtê ji Fatîkan xwest ko doza rawestandina birçîkirina sivîlan li Sûriyê bike.
Hem destnîşan kir ko giring e Civaka Navdewletî helwesteke xurt di derbarê binpêkirinên rêjîmê ji biryarên navdewletî re bide. û li Romayê got ko gerek civaka navdewletî dorpêçê ji ser hemû herêmên dorpêçkirî li Sûriyê rake. û alîkariyan ji ezman ji wan deveran re bêyî erêkirina rêjîmê bavêje, û divê di heman demê de kar ji bo xweşkirina riya danûstandinên biencam li Cinêvê bibe, da cîbicîkirineke rastyeqîne ji peymana Rawestandina Kirdeyên Dijminkarî re bibe, û pêşkeftineke berçav di dosya Giriyan pêk were.
Jêder: Hevbendî
