Şandek ji Encumena Niştîmaniya Kurdî di nava Hevbendiya Niştîmanî de, ku ji her yek ji Ebdilhekîm Beşar, Fûad Elîko pêk dihat, hevdîtinek bi Serokê Tîma Brîtanî li Istenbolê birêz Tom, û xanim Cêlêl Şêwermenda Amerîka ya nû li Istenbolê re pêk anî.
Şanda ENKSê bi hûrgilî behsa binpêkirinên PYDê kir, ji şewtandina ofîsên Encumena Niştîmaniya Kurdî, û êrîşkirina li ser berpirsên wê, û diziya kelûpelên wan ofîsan, û şewtandina hin kelûpelên din, herwiha bacên ku PYDê li ser welatiyên Kurd ferz dike.
Şanda ENKSê destnîşan kir ku binpêkirinên PYDê berî niha hebûn, û di dema dawî de pir zêde bûn, piştî ku Amerîka alîkarî pêşkêşî wê kir, ku niha PYDê gelekî har bûye, û ew bi xwe partiyeke “totalitar” e û pransîpên wê ne li gor pransîpên Demokrasiya Rojavayî ye.
Şanda ENKSê daxwaz kir ku pêwîst e Amerîka û Brîtanya fişarê li PYDê bikin, da ku binpêkirinên xwe li dijî gelê Kurd û tevgera wî ya niştîmanî “Encumena Niştîmaniya Kurdî” rawestîne, herwiha lîsteyek navên girtiyan û pileyên wan hate radestkirin, û herdû aliyan soza wê yekê dan ku wezaretên xwe yên derve bi van kiryaran agahdar bikin.
Tê Zanîn, ku şanda ENKSê aliyên din yê hevdîtinê bi bûyerên vê dawiyê agahdar kir, û bi taybet girtin û sirgûnkirina Ibrahîm Biro ber bi derveyî deverên Kurdî li devereke metirsîdar, ku sêgoşeya sînorî ye û nêzîkî devera DAIŞê ye, herwiha bûyerên cenazeya şehîd, ji revandina cenazeyê, û girtina serkirdeyên Encumenê û çalakvanên ku bi cenazeyê re derketibûn,û hêj çarenivîsa wan ne diyar e.
Jêder: Rojava News
