Desteya Danûstandinan dibîne ko Rûsya û Îran du Dewletên dagîrker in û daxwaz ji Komela Giştî ya Netewên Yekbûyî kir da rewşa Sûriyê gotûbêj bike, bi sedema “Vîto” ya Rûsî li Encûmena Ewlekariyê da nehêle çi biryar jê derkeve. Her wiha doz li Komkara Erebî kir tako serxwebûna Sûriyê biparêze.
Berdevkê Desteya bala ya danûstandinan Salim Elmislit, îro duşemê, di kongirekî Rojnamevanî li paytexta Siûdiyê got ku ev biryar piştî civîneke awarte ya roja şemiyê û yekşemê lidar ket derketin, û civînê berdewamiya rêjîma Esed û hevalbendên wê di çareserkirina leşkerî de û wêrankirina rêbazkirî li gelek herêmên Sûriyê, da wan ji niştecihan vala bike û guherîneke dîmugrafî li herêmê çêbike, ji bo pêkanîna pirojeyine cihê gumanê ko metirsiyekê li ser yakîtiya welat û nasnama wî çêdike gengeşe kir.
Elmislit diyar kir ko civînê rewşa meydanî û bandora wê li ser operasiyona siyasî gengeşe kir, û tekez kir ko Desteya siyasî bizavin awarte kirin tako çareseriya siyasî biser bikeve lê belê Rêjîm û hevalbendên wê ev operasiyon têk birin. Û himberî yasaya navdewletî û mirovî rawestiya û tawankariyên cengê kirin û rê li ber operasiyona siyasî girtin, û ew wekû sîwanekê ji operasiyonên xwe yên kuştina komel ya miletê Sûrî re bi bombebaran û wêrankirin û dorpêçkirinê bikar anîne.
Civînên desteyê dibînin ko Rûsya û Îran du dewletên dagîrker in, û tekez kirin ko hemû peymanên wan bi Rêjîmê re neyasayî ne, û dibînin ko binpêkirina serwerî û serxwebûna Sûriyê ye. Hem ji Komkara Erebî xwest ko ji bo parastina serxwebûna Sûriyê têwerdanê bike. û bang li civaka Navdewletî û dewletên erebî kir, ko hemû pêdiviyên xweragiriya miletê Sûrî bicih bînin, û çekên ko bikaran pê parastina xwe bikin bidin wan da bikaribin xwe û yekîtiya xaka xwe biparêzin(li gora gotina Elmislit) .
Daxwaz kir ku Komlegeha Giştî ya Netewên Yekbûyî bicive li gora biryara “Yekîtî ji bo Aştiyê” tako biryarekê ji derveyî çarçoveya Encûmena Ewlekariyê bide, piştî ko Encûmena Ewlekariyê di parastina sivîlan û aştiya cîhanî de bi sedema Vîtoya Rûsî ya herdem têk diçe.
Desteyê daxwaz kir ko berpirsiyarên bikaranîna çekên qedexe li dijî miletê Sûrî bişînin dadgehên navdewletî yên taybet. Her wiha daxwaz ji Encûmena Ewlekariyê kir ko biryareke ferzkirinê derxîne tako bombebarana asmanî û guherîna dîmugrafî rawestîne.
Desteyê redkirin û pirotestokirina xwe ji hemû kirdeyên tiroristî re tekez kir, ji aliyê kê ve be, û di pêşî de tiroristiya dewletê ya ko Rêjîm û hevalbendên wê û milîtanên mezheb perest yên ko ji Îraqê û Îranê û Libnanê û Pasvanên Şoreşgêr yên Îranî û Hizbulaha tirorist û tiroristên Daiş û Komên terorîst hatine binav kirin, li gora biryarên Encûmena Ewlekariyê.
Û daxwaz ji hemû pêkhatiyên civaka Sûrî û aliyên sivîl û yên leşkerî kir ko li dora pirojeyê niştimanî û amancên Şoreşa Sûriyê bicivin, û hemû bizavan bikin ji bo serxwebûn û yekîtiya xaka Sûriyê biparêzin, û berevaniya mafên miletê Sûrî ji bo jiyanê û rûmetê û serdariya welat bikin û komîtekê ji bo van dabîn bike damezirînin.
Jêder: Hevbendî
