Şandek ji komîta peywendiyên nûnerîtiya herêma Kurdistanê ya Encûmena Niştimanî Kurdî, îro pêncşemê 17.11.2016, bi Riweyda Elac berpirsa nivîsgeha mafên mirovan li herêmê û cîgira birêveberê giştî yê Netewên Yekbûyî civiya.
Şanda nûnerîtiyê ji birêzan(Behcet Beşîr, Newaf Reşîd, Îmad Berho) pêk hat, Şandê digel berpirsa Netewên Yekbûyî giringtirîn babetên taybet yên karûbarê penaberên Kurdên Sûriyê yên ko li Kurdistana Îraqê, ko li ser neh kampan li bajarên sereke parvekirî ne gotûbêj kirin.
Şanda nûnerîtiyê derdê biraderên penaber ji hêla mirovî, hawarhatinê û xizmetkariyê û biwara tendiristî û fêrkirinê guhast û li ser çareserkirina arîşeya kesên mektûm û hêsankirina karûbarên wan li herêmê tekez kirin.
Her wiha şanda nûnerîtiya ENKS li ser belavkirina alîkariyan tekez kir, ko di belavkirina alîkariya diravî û keresteyên xwarinê de dadî nîn e, û gerek guh lê bête dan. Û tekez kir ko gereke bilez form bêne belavkirin û mafê rûniştinê ji penaberên ko li Hewlêrê ne bê dan, ko hêj bi derengî çareser bibe.
Şanda Nûnerîtiyê rexneyên xwe li ser kêmasiya karê Rêkxistinên mirovî û hawarhatinê kirin, ko barê desthilata Herêmê girantir dikin.
Ji aliyê xwe ve birêz Riweyda Elhac tekez kir ko giring e ev pirsgirêk û daxwaz bi hevkariya rêkxistinên têkildar bêne çareserkirin, û soza hevdîtinên peyapey di demên bê de da, ji bo rewşa karûbarên penaberan bişopînin.
Jêder: Hevbendî
