Rêxerê giştî yê desteya bilind ya danustandinan Riyad Hicab, daxwaza zêdekirina bizavên navdewletî û xistina fişaran li ser hevalbendên Rijêmê kir, ji bo rawestandina komelkujiyên li Heleb û Himus û Idlibê dibin, û bal kişand ku Rûsiya û Îran hewl didin bi hêza çekan rewşa Sûriyê yekalî bikin bi mifadîtina ji rewşa valahiya diblomasî ya ji encamê rawestandina danustandinên Amerîka – Rûsiya, û herwiha ji ber amadekariyên veguhestinê li Amerîka yên ji bo rêveberiya nû dibin.
Li êvariya duhî li Dewha paytexta Qeter û di miyanê hevdîtina xwe de ligel wezîra derve ya Ostraliya, Hicab tekez kir ku Rijêm û hevalvendên xwe nikarin derbasî Helebê bibin, û got: “ev yek ji bo wan nayê pêkanîn, û wê bi tenê bibe sedema ketina ziyanên zêdetir di nav sivîlan de”.
Herwiha herdu alî rabûn bi gengeşekirina rêkên rawestandina kiryarên leşkerî û bombebarankirina esmanî û ya topxaneyan yên ji aliyê rijêma Esed û Rûsiya li dijî Helebê û navçeyên din dibin, û ketina gelek şehîdan ku piraniya wan jin û zarok in.
Hicab bal kişand li ser wê têbîniyê ku Rijêm hemû bizavên diblomasî yên civaka navdewletî red dike bi palpiştiya derve, û cext kir li ser giringiya neçarkirina Îranê û Rûsiya bi pêgiriya rawestandina oparesyonên dijminkarî û biryarên navdewletî yên girêdayî vê rewşê.
Û got: “me daxwaza fişaran li ser Rûsiya û Îranê ji dostê xwe yên di Encûmena Asayîşê û yên di Yekîtiyê Ewropî de kiribû, ji bo pabendbûna wan bi rawestandina oparesyonên serbazî”, û tekez kir ku daxuyaniyên Beşar Esed tekez dikin ku ew dûrî rastiya li ser xakê ye”, û cext li ser wê yekê kir ku: “her roleka Esed di paşeroja Sûriyê de nayê qebûlkirin”.
Ji aliyê xwe ve wezîra Ostraliya diyar kir ku welatê wê panbend e bi biryarên navdewletî, lewra wan siza li ser rijêma Esed ferz kirine, û tekez kir ku rênimayî ligel nûnerê Ostraliya li NY li ser vê yekê hene.
Ji aliyê xwe ve, Hicab sipasiya wezîra derve ya Ostraliya kir, û hêvî kir ku Ostraliya rolek mezintir hebe di piştgirîkirina gelê Sûriyê de, çi ji aliyê mirovî de be ya di warê siyasî de, herwiha Hicab lêrîna opozisyonê ya desteya bilind li Londonê ya derbarê çareseriya siyasî li Sûriyê pêşkêşî wê kir.
Jêder: Nivîsîngeha Ragihandina Hevbendiya Niştimaniya Sûriyê