Li ser Alavên Hevgihana Civakî çalakvanin Sûrî li jêr navûnîşana “Arêşa azad bijarteya me ye”dest bi kampaniyekê kirin, ji bo piştgiriya Artêşa Azad û qurbaniyên ko danîne ji bo hemû Sûriyê, amanca kampanyê ew e ko balê bikişîne ser serkeftinên Aetêşa Azad di şerê berdewam li dijî Rêjîmê û milîtanên li ser xaka Sûriyê şer dikin.
Çalakvanên ko bi kampaniyê rabûne destnîşan kirin ko ew bi karê xwe bizavê dikin ji bo naveroka karê Artêşa azad bibîr bînin, û daxwaza Artêşê ya herdem ji gava hatiye damezirandin, rizgarkirina miletê Sûrî ji stema Rêjîma Esed û Rêkxistina Daişê û rêkxistinên din yên tirorist e, û li dijî hemû planên parçekirinê ye, yên ko derbeyê li yekîtiya niştimanî didin û jihev cudakirina miletê Sûrî û jihevxistina civakî amanc dike.
Yên ko bi Kampaniyê rabûne, nerînîn û daxuyaniyîn kesayetiyên siyasî û hunerî û niştimanperwerî yên ko piştgiriya xwe ji Artêşa azad re tekez dikin veguhestin.
Endamû Hevbendiya Niştimanî ya Hêzên Şoreşê û Rikberiya Sûriyê Fayiz Sara got ko “Artêşa Sûrî ya azad ew parêzvana siloganên miletê Sûrî di azadî, dadî û wekheviyê de”û tekez kir ko “ji nav hemû alayên din li Sûriyê ew bêtir dikare rêveberiya herêman bike”.
Xetîb Bedla Endamê Hevbendiyê, diyar kir ko Artêşa azad ew bijarteya me ye ji ber ko “ew siloganên şoreşê, pirinsîbên şoreşê û neguhêrên şoreşê hildigire, û berevaniya xelkê dike, û tu ecindên din li ser xelkên herêmên rizgarkirî feriz nake. ”
Endamê Hevbendiya Niştimanî ya Sûrî Nesir Elherîrî, tekez kir ko Artêşa Azad ew “garantiya tenê ye ji bo rizgarkirina welat ji dagîrkeran û beraberiya tiroristiyê ya ko rêjîmê ew çêkiriye ”. bêtir got: “ew bi tenê amancên şoreşê û yên miletê Sûrî di pêkanîna dadî û maf û yasayê de hildigire.”
Di heman mijarê de nivîskar û ragehêner Nesrîn Terabilsî got“Artêşa azad xwedan berpirsiyariyeke sincî ye, ew ne tenê ji bo şerê rêjîmê û hevalbendên wê ye, lê ji bo hejmareke mezin ji zindiyan biparêze.” Nisrîn, Artêşa Azad “wek Firendeyê Fînîq e” da salixadan, ko her dibêjin hate sotin ji bin ariyê derdikeve û dîsa difire.
Hunermendê Sûrî Meksîm Xelîl tekez kir ko“hestê wî yê mirovî yê ku hişt ew di rûyê stemê de rabe, wî hestî hişt ku ew ji Rêjîmê re dibêje na, û ji Artêşa azad re bibêje erê.” û li gora gotina wî “ew aniya tenê ye ko li azadiyê digere.”
Her wiha hunermendê Sûrî yê Karîkatêrsaz Elî Ferzat got: “Artêşa azad û Sûriya azad navin bi hevûdu ve girêdayî ne, tacek li ser sinbilên genim û zeytûn û yasemînê ye, heyvek e di asmanekî de ku bi stêrikê şehîdan xemilî ye ruhnî dike.”
Û derbarê kampaniyên şêwandinê yên ko ragihandina Rêjîmê lidijî Artêşa azad dike, derhênerê Sûrî Ebdulqadir Menla got: “ew rikbera bi tenê ye ko nijdevanên Şamê hemû bizavên xwe yên leşkerî û alavên xwe yên ragihandinê ji bo navûdengê wê têk bibin kar dikin, û hevalbendên xwe lidijî wê bikar tîne.” Destnîşan kir “azadî tenê di rêya Artêşeke niştimanî re tê, û berevaniya welatê xwe dike, û ne ji bo çi idyolocî û rêberan şer dike.”
Tê zanîn ev sala sisêyan e ko çalakvan û Nivîsgeha ragihandinê ya şoreşê bi kampaniya”Artêşa azad bijarteya me ye” radibin, ji ber karê wê yê balkêş ji gava ko şoreşê dest pê kir û heta bi paşerojê jî berdewam e .
Jêder: Nivîsgeha Hevbendiya Niştimanî Sûrî