Wezîrê derve yê Qeterê Şêx Mihmed kurê Ebdulrehamanê Al Sanî, daxwaza rawestana li hember “pilana koçberkirina komel û guhertina demografîk ya li Sûriyê dibe “, her weha pêkanîna agirbestê li tevahiya Sûriyê kir.
Wezîrê Qeter di gotara xwe ya di civîna awarte ya komkara Ereban a derbarê Helebê dayî de, got: “divê armanc vegerandina hemû koçbaran bo nav malên wan be”, û hişyarî da li ser derengiya çareserkirina rewşa bobelata niha ya li Helebê, û bal kişand ku wê bandorên wê yên xirab li ser paşeroja Sûriyê û çarenivîsa miletê wê bi tevahî hebin.
Wezîr diyar kir ku Qeter piştgiriya agirbestek bilez di tevahiya Sûriyê de dike, herwiha daxwaza standina helwrstek Erebî ya yekgirtî dike, ji bo destpêkirina karekî rijd ligel aliyên navdewletî ji bona dîtina mîkanizmekê bo xistina berpirsyaretiya di ber bûyerên li Sûriyê dibin, û nameze yên li Helebê di stûyê rijêma Esed de, ji bo êrîşên xwe yên li dijî sivîlan rawestîne û dorpêçkirina bajaran veke û rê bide bo hawarçûna hemû navçeyan.
Di dema ku komeleya giştî ya NY wê roja çarşemê dengdanê bike li ser pirojebiryarekê ku ji aliyê Qeter hatiye pêşkêşkirin, û têde daxwaza dirustkirina mîkanizmeke navdewletî ya bêalî û serbixwe ji bo dadgehkirina tawanbarên hêzên Esed û milîsên mezhebperist yên tometbar bi pêkanîna tawanên şer dike.
Û Hevbendiya Niştimanî ya hêzên şoreş û rikberiya Sûriyê, daxwaza rawestandina êrîşên esmanî yên li ser jêrxana binyatgerî û taxên nişteciyan dibin ji Rûsiya kiribû, ji berî pêşniyarkirina her destpêşxeriyeka siyasî ya ji bo dîtina çareseriyekê ji Sûriyê re, û Hevbendiyê li ser rawestandina karên bombebarankirinê tekez kiribû, ligor heman tekestên hatîn di biryarên navdewletî yên sebaret bi rewşa Sûriyê, û bal kişabdibû ku Rûsiya beşek sereke bû di têperandina wan biryaran de.
Herwiha ku Komkara Erebî di roja pêncşema bûrî de, piştgiriya xwe bo bestina (civînek awarte) ya komeleya giştî ya NY ragihandibû, ji bo rawestandina kuştarên rijêma Esed û milîsên wê li ser bajarê Helebê, û pirojebiryar daxwaza destnîşankirina lêvegeran ji mîksnîzma bêalî û serbixwe re ya dadgehkirinê ji sikirtêrê giştî yê NY dike, û herwiha daxwaza pêşkêşkirina raporteke cêbicêkirina biryarê di heyamê 45 rojan ji pesindkirina wê dike, û daxwaza hevkariyê ligel mîkanizma lêkolîn û lêpirsînê ji dewlet û aliyên Sûriyê dike.
Jêder: Nivîsîngeha Ragihandina Hevbendiya Niştimanî / Wekalat
