Tabûrên artêşa azad berdewam in di pêşketinên xwe de li hindurê bajarê Babê yê rojhilatê Helebê, û karîye hin taxên nû li Babê kontrol bike, piştî şer û pevçûnan li dijî rêxistina DAIŞa terorîst di çarçovê oparesyona “Mertala Firatê” de, ya bi piştgiriya artêşa Tirkiyê tê encamdan, ku tabûrên şoreşê karîn derbasî bajarê Babê -dawîtirîn wargehê rêxistina DAIŞ a terorîst li bakurê Sûriyê- bibin, piştî ragihandina cenga bi navê “cenga rizgarkirina Babê” ji berî heftiyekê de, û karîbûn “taxa Zemzem” û çiyayê Şêx A’qîl û nexweşxaneya niştimanî û gereka rojava û paşbenda bajêr û Elseken Elşebabî li rojavayê Babê control bikin, û bi dehan çeteyên terorîst têde hatin kuştin.
Duhî roja yekşemê jêdrekî artêşa azad kontrolkirina zeviya Elşehabî û gereka Elra’hî li aliyê dergeha bakur ya bajarê Babê tekez kir, û diyar kir ku niha şer û pevçûn li nav bajêr heye, û hêzên atêşa azad têde hewl didin bo dorpêçkirina çeteyên DAIŞê li hundur taxan û paşî ji bo kontrolkirina tevaya bajêr.
Hêjayê gotinê ye ku bajêrê Babê 30 k.m dûrî sînorê Tirkiyê ye, û derdora 200 hezar kesî lê dijî, û her ji 14’ê çileya paşiya 2014an ketibû di destê DAIŞê de.
Heman jêderî got ku niha li bajarê Qebasîn yê li gundewarê Helebê, şer û pevçûn di navbera artêşa azad û DAIŞê de heye, hevdem ligel bombebarankirina çeperên DAIŞê ji aliyê artêşa Tirkiyê ve bi top û firok û mûşekan.
Û tê zanîn ku artêşa azad her ji 24’ê tebaxa 2016an ve, oparesyona “Mertala Firatê” bi piştgiriya artêşa Tirkiyê û hemahengiya hêza esmanî ya Hevpeynaniya Navdewletî ragihandibû, bi armanca paqijkirin û vemalîna bakurê Sûriyê ji rêxistinên terorîst û bi tayetî ji rêxistina DAIŞa terorîst.
Jêder: Bazinê Ragihandina Hevbendiya Niştimanî / Wekalat
