Cîgirê Hevbendiya Niştimanî ya Sûrî Dr. Abdulhekîm Beşar di 13.02.de şandyarê Firensî yê taybet bo Sûriyê û qunsilê Firensî li Tirkiyê pêşwazî kir.
Gotûbêj li ser Cinêvê û giringiya dîtina çareseriyeke siyasî ji bo qeyrana Sûriyê çêbû, hem li ser zehmetiyên ko beraberiya Cinêvê bibin ji ber aloziya rewşa Sûriyê, çimkî rêjîm çareserkirina siyasî li gora biryarên rewaya navdewletî bi taybetî daxuyaniya Cinêvê û biryara 2118 red dike.
Her weha axaftin li ser şanda opozisyonê ya biçin Cinêvê û beraberiyên ko têne pêşberî şandeyê û li ser paşeroja Sûriyê, Dr Beşar dîtina Encûmena Niştimanî Kurdî ya riyalîstî ji bo çareserkirinê li Sûriyê wekû bijarteyeke niştimanî axivî.
Şandeyarê Firensî jî tekez kir ko pirsgirêkên rewşa Sûriyê viyaneke taybet dixwaze ko guncayî ketwara Sûriyê ya piralî be ya ko bûye ezmûneyeke taybet û pêdiviya wê bi nimûneyeke taybet heye.
Herdu aliyan tekez kirin ko çareserkirina siyasî li Sûriyê divê Esed biçe û dîmuqratiyek misoger bibe û mafên hemû Sûriyan, takekes û kom dabîn bibe.
Jêder: Beşê Kurdî yê nivîsgeha ragihandina Hevbendiyê
