Emîndarê giştî yê Hevpeymana Bakurê Etlesî Yênis Stoltinbirc, doh Înê, berpirsiyariya tekûz ya derbeyên mûşekî yên Emerîkî yên dijî firokxana cengî li Elşûeyrat li gundewarê Humsê da ser milê rêjîma Beşar Elesed.
Stoltinbirc ji Biroksilê got: “bikaranîna çekên kîmawî nayê pejirandin, û ew bê bersivdan namîne, û divê berpirsiyar bêne sizakirin”, û wezîrê berevaniya Emerîkî Stoltinbirc berî lênadê agahî dabû me.
Û Yekîtiya Ewropî dibîne ko armancek Amerîkî ya”xuya ” ji vê lêdanê heye, û ew jî ew e ku rêjîm nema êrîşên kîmawî dijî sivîlan pêk bîne. Yekîtiya Ewropî got ku gihaştina çareseriyeke siyasî di rêya danûstandinan û karê siyasî re, ew rêka bi tenê ye ya rijandina xwînê rawestîne û derdê miletê Sûrî bidawî bike.
Donald Tosik li ser malpera xwe ya “Tiwîter” got ku derbeyên Emerîkî diyar dikin ko pêdiviya me bi viyaneke weha heye ji bo dijîtiya êrîşên kîmawî. Û bêtir got ku Yekîtiya Ewropî dê li rex Emerîka be tako sînorekî ji hovîtiya ko rêjîma Beşar li Sûriyê dike re deyne.
Serokê nûnerîtiya Ewropî Can Kilod Yonker, tekez kir ko ew “tê digihêjin” ku bizavên di vê derbarê de dibin, ji bo nehêlana pêkhatina êrîşên kîmawî yên bêtir ji hêla rêjîmê dijî gelê Sûriyê ne.
Her weha yasadanên Emerîkî ji herdu partiyan ,ya Komarî û ya Dîmuqratî, piştgiriya êrîşên mûşekî yên serokê Emerîka Donald Tiramp li ser firokxaneyeke Esed li Sûriyê kirin, di heman demê de jî jê xwestin ko istiratîciyeke berfirehtir derbarê mijara şêweyê riftara bi rêjîmê re ragehîne.
Birêveberê berevaniya sivîl ya Sûrî Raid Elsalih dibîne ko amanckirina Emerîka bi mûşekan ji firokxana Elşûeyrat re ya ko firok jê derketin û Xan Şêxûn bi çekên kîmawî bombebaran kirin, pêngaveke ji bo kuştina sivîlan rawestîne.
Elsalih çend name ji civaka navdewletî û ji rêkxistina mafê mirovan û cîhana Erebî û ya Islamî û miletê Sûrî re şandin, û daxwaz kir ko bilez bilivin ji bo piştgiriya miletê Sûrî yê ko li ser destê hêzên tawankar ên Rûsya û Îran û rêjîma Esed tê qirkirin bikin.
Jêder: Nivîsgeha Ragihandinê ya Hevbendiya Niştimanî/Acans
