Xwecihiya Ni ya nûnertiya ENKSê li Ewropa, roja şembiyê 22’ê nîsanê li bajarê Viyêna konfiransê xwe yê salane bi beşdariya bidehan kesayetiyên niştimanperwer yên serbixwe û bi amadebûna Rêzan Şêxmûs serokê nûnertiya ENKSê li Ewropa lidar xist, serokê nûnertiya Ewropa peyvek pêşkêş kir, têde behsa rewşa siyasî ya giştî li Sûriyê û nemaze piştî bikaranîna çekên kêmyayî ji aliyê Rijêmê ve li dijî bajarê Xanşîxon û êrîşa Amerîka li ser firokxaneya Elşi’îrat li Himusê kir, û tekezî li ser giringiya bidawîkirina bobelata gelê Sûriyê kir, ya ji encama pêdagiriya rijêma Esed li ser kursiyê desthilatê, û sûrbûna wê li ser wêrankirina Sûriyayê di riya çêkirina rêxistinên terorîst wek DAIŞ û hevşêweyên wê ye, herwiha Şêxmûs behsa rewşa gelê kurd û êş û azarên wî hevdem ligel berdewamiya siyasetên serkutkar û zordariyê yên partiya (PYD)ê kir, û bal kişand ser giringiya aktîvkirina xwecihiyên ENKSê li sercem dewletên Ewropa nemaze piştî reva bi hezaran keç û kurên gelê kurd ber bi Ewropayê, her weha sedemên helawîstina ENKSê karê xwe di kongirê Cinêva 5an de şirove kir, ji ber helwestên hin aliyên opozisyona Sûriyê ji doza kurdî, û tekez kir ku ENKSê beşek sereke ye ji opozisyona Sûriyê û ticarî destberdanê ji mafên netewî yên gelê kurd nake.
Serokê nûnertiya ENKSê bangewaziyek da revanda kurdî bo bi rola xwe di karakirina ENKSê de rabin, ku ew gerantorê rasteqîn yê doza kurdî li Sûriyê ye.
Paşê raporta salane ya çalakiyên xwecihiya Nêmsayê ji aliyê endamê wê Xebat Şêxo ve hat xwendin, û rave û gengeşe derbarê tevaya rewşa siyasî û mîkanizmên karakirina ENKSê nemaze di warê ragihandin û diblomatî de hatin kirin.
di dawiyê de Encûmena xwecihî ya Nêmsayê ji çend kesayetiyên niştimanperwer yên serbixwe hat helbijartin, ji bo hevkariyê bi partiyên ENKSê re bikin, her weha beşdariyê di karakirina wê li Ewropayê bikin.
Jêder: Beşê Kurdî Ji Nivîsgeha Ragihandinê Ya Hevbendiyê