Berevaniya Sivîl Ya Sûriyê ya bi navê “Kumên Spî” tê naskirin, duhî roja pêncşemê bi xelata “Sazkerên Hêviyê” li bajarê Dubey hat xelatkirin, ku ev xelat bi çavdêriya cîgirê serokê dewleta Îmarat, xunkarê Dubey, Şêx Mihemed bin Raşid Al Mektûm e.
Li ser malpera fermî ya pêşberkê hat ku armanca serekî ji xelatê re ew e ji bo xistina ronahiyê li ser “çirûskên hêviyê” li welatên Ereban, ku bi rêka wê hin mêr û jin ên temenên wan ne wek hev in berz û diyar bûn, yên bi hest û dilekî paqij ji bo rajeya milet û welatên xwe kar dikin.
Û kujmê miliyon derhemê îmeratî ji aliyê komîteya berpirsyar hat pêşkêşkirin, ji her pênc beşdarên gihiştibûn qonaxa dawiyê ji pêşberka xelata “Sazkerên Hêviyê” li welatên Erebî re, û Raid Elsalih rêveberê tîma “Kumên Spî” xelata navhatî wergirt.
Hêjayê gotinê ye ku ber Berevaniya Sivîl Ya Sûrî li 27’ê reşemeha bûrî bi xelata “Oskar” li ser kurtefilmê derbarê “Kumên Spî” yê ji bo karê Berevaniya Sivîl Ya Sûrî bû, wek baştirîn belgefilm hat xelatkirin.
Berevaniya Sivîl Ya Sûrî wek dezgeheke serbixwe kar dike ji bo hawarçûna birîndaran û rizgarkirina wan û belgekirina navên şehîdan li seraserî Sûriyê, tevî ku navendên wê “bi awayekî berdewam” ji aliyê firokên Rijêmê û Rûsiya tên armanckirin û karmendên wê tên kuştin û birîndarkirin.
Herwiha sala bûrî hatibû berbijêrkirin ji bo wergirtina xelata “Nobil” ya aştiyê lê bi ser neket, û li êlûna heman salê bi xelata rêxistina Siwêdî “Right lifelhood ” ya mafên mirov hat xelatkirin, wek destxweşiyê li ser “qehremaniya wan ya bêhempa û dilozî û pabendiya wan ya mirovî ji bo rizgarkirina sivîlan” ku salane tê pêşkêşkirin di warê mafên mirov de ku bi navê “şûna nobil” tê binavkirin.
Jêder: Ofîsa Ragihandina Hevbendiya Niştimanî
