Serokê Hevbendiya Niştimanî ya Hêzên Şoreşê û Rikberiya Sûriyê Riyad Sêf digel şandyarê Emerîkî Maykil Ratnî roja înê li Cinêvê civiya, û herdu endamanên desteya siyasî Hadî Elbehre û Hewas Xelîl bi serokê Hevbendiyê re bûn.
Sêf ji aliyê Emerîkî xwest ko fişarê bide ser Rûsya ji bo piştgiriya operasiyona siyasî bipêşve bide tako bigihêjin çareseriyeke siyasî li gora biryarên navdewletî, û desteyeke desthilatdariya veguhêz bi hemû karûbaran ko cihê Beşar Elesed tê de tune be pêkwere.
Sêf daxwaz ji desthilata Emerîkî kir ko piştgiriya desthilata Sûrî ya demkî û tîmên wê yên li herêmên rizgarkirî kar dikin bike, bi amanca xizmetkariyan ji niştecihan re pêşkêş bikin û rewşa wan xweş bikin.
Serokê Hevbendiyê plana serokatiyê şirove kir, ya ji bo qonaxa dahatî û plana çaksazkirina Hevbendiya Niştimanî tako karê xwe bipêşve bibe û roleke bêtir bilîze di berevaniya şoreşa Sûriyê de û bidestxistina mafê gelê Sûrî yê azadî û rûmetê.
Her weha tekezî hat kirin li ser rola Encûmena Niştimanî ya Kurd li Sûriyê û nûnerîtiya wê di Hevbendiyê de li gora peymana di navbera herdu aliyan de hatiye imzakirin, û her weha tekez kirina ku çareseriya siyasî divê li ser bingeha şirîkatiya niştimanî û yekîtiya Sûriyê bi xak û gelê xwe ve be.
Her weha Ratnî pîrozbahiya serokatiya nû kir, û tekez kir ko ew guhdanê bi operasiyona siyasî û piştgiriya wê dikin, û got ku divê çareseriya siyasî ya ko mafê miletê Sûrî û rûmeta wî lê vegerîne pêk were.
Jêder: Nivîsgeha Ragihandinê ya Hevbendiya Niştimanî
